web counter
LEXO PA REKLAMA!

SHKARKO APP

App Store
Google Play

E fundit!

x

Mashtroi me piktura të vjedhura në internet: Deklarata e piktorit shqiptar shokon publikun

29 Janar 2019, 10:10, Lifestyle CNA

Emri i 20-vjeçarit Edlir Reka u shfaq kudo në mediat online fundjavën që lamë pas, por jo për një arsye të mirë. Piktori i ri pretendoi se kishte fituar çmimin e parë të një konkursi në Moskë, por dikush me koment në Instagram zbuloi se piktura i përkiste një artisti të huaj.

Kaq mjaftoi që të zbulohej se, pothuajse të gjitha pikturat e publikuara në Instagram-in e tij ishin fotomontazh.

Gënjeshtra e Edlir Rekës tronditi mbarë opinionin publik dhe nxiti debate të mëdha në rrjetet sociale.

I ftuar pasditen e kësaj të hëne në emisionin ?Rudina?, Reka pranoi të fliste për herë të parë për të vërtetën e pikturave.

?Aq sa jam unë i tronditur, s?besoj të jetë dikush tjetër. Nuk është aspak e lehtë të lexosh portalet, vritesh shpirtërisht dhe thua ?Pse mua më ndodhi kjo gjë?. Zanafilla filloi nga adresa false, që komentoi në Instagram. Piktura i takon një personi tjetër, është e vërtetë. Kërkoj ndjesë, ndihem shumë keq, që nuk jam shpjeguar siç duhet?, nisi deklaratën e tij Edliri.

Duke u shtyrë nga moderatorja Rudina Magjistari që të thoshte të vërtetën, ai vijoi:

?E vërteta është thënë dhe është treguar haptazi. Piktura nuk është e imja. U dërgua një pikturë tjetër, me një pamje tjetër. Këtë pikturë e kam marr nga piktori i vërtetë i saj. E gjeta në internet. Piktura në Instagram është Photoshop, bashkë me piktura të tjera?.

Por nga ana tjetër duket se, Edliri ende nuk e ka kuptuar gabimin, pasi u shpreh:

?Më vjen shumë keq që kjo gjë u bë kaq e madhe?.

Ai madje përmendi edhe thënien: ?Çdo mëkatar e ka një të ardhme dhe çdo shenjtor e ka një të shkuar?, duke treguar se për të ishte thjesht një gabim.





Lajmet e fundit nga