web counter
LEXO PA REKLAMA!

SHKARKO APP

App Store
Google Play

E fundit!

x

Dorëheqja e Mynyr Konit?/ Zbulohen diskutimet e Senatit Akademik

24 Janar 2019, 18:03, Aktualitet CNA

Dekani i Fakultetit të Ekonomisë njëkohësisht anëtar i Senatit Akademik, Dhori Kule ka treguar se çfarë ndodhi në mbledhjen e sotme të senatit

Kule mohoi fjalët që qarkullojnë, se senati ka kërkuar dorëheqjen e Rektorit të Universitetit të Tiranës, Mynyr Konit dhe ka thënë është miratuar raporti i grupit të punës për aktet e qeverisë në paktin për Universitetin.

?Senati nuk u mblodh as për të hequr Mynyr Konin as për të diskutuar për të. Sot senati u mblodh për të analizuar detyrën që i kishte dhënë në mbledhjen e datës 14, grupit të punës për të verifikuar aktet që kanë dalë në lidhje me paktin për universitetin dhe grupi i punës kishte përgatitur një material, i cili u miratua nga senati. Pra, për shumë nga ato akte grupi i punës thoshte se janë të paligjshme, antikushtetuese. Gjithë relacionin që bëri grupi i punës, senati e miratoi. Por senati tha të shohim edhe elementë të tjerë të akteve që kanë dalë dhe pas një jave grupi i punës të shprehet dhe për ato akte që nuk janë parë. Ne i kërkuam të shohin dhe njëherë nëse kanë probleme. Për shumicën e akteve grupi  i punës tha se duhen anuluar, janë të paligjshme?,-tha Kule për BW.

Më tej, dekani i Fakultetit të Ekonomisë shtoi se senati ka kërkuar një rishqyrtim të disa akteve të tjera të ?Paktit për Universitetin?.

?Por u tha të plotësohet për aktet që nuk ishin shprehur. Senati kërkoi që pas një jave të mblidhet sërish për një raport përfundimtar. Ata ishin shprehur për 5-6 VKM dhe thoshin se janë të paligjshme, antikushtetuese. Fryma e senatit ishte që VKM-të e paktit që janë të pakonsultuara dhe të paanalizuara nga grupi i punës të rishikohen. Senati miratoi me unanimitet raportin e grupit të punës?- u shpreh ai.

Ndërsa, përsa i përket dorëheqjes së Mynyr Konit, Kule tha se ajo u bë nga një grup studentësh.

?E kërkuan studentët që erdhën. Senati Akademik nuk u mor fare me dorëheqjen e Konit sepse ka një procedurë ligjore. Nuk ka qenë qëndrim i senatit problemi i Mynyr Konit. U mblodh për një problem të madh të universitetit dhe miratoi qëndrimin e grupit të punës?- deklaroi dekani i Ekonomikut./CNA.al





Lajmet e fundit nga