Deklarata e Thaçit/ Nuk do të ketë “Shqipëri të madhe”

20 Janar 2019, 17:19, Aktualitet CNA

Presidenti i Kosovës , Hashim Thaçi në një postim në rrjetet sociale ka publikuar një pjesë nga intervista e me Agjencinë e Lajmeve të Austrisë (APA).Në këtë intervistë Thaçi ka folur për marrveshjen mes Kosovës dhe Serbisë e cila do të sillte më shumë stabilitet dhe paqe në rajon.

?Në një intervistë për Agjencinë e Lajmeve të Austrisë ?APA?, kam biseduar për zhvillimet politike në Kosovë dhe rajon. Duke folur për fazën e fundit të dialogut për normalizimin e marrëdhënieve ndërmjet Kosovës dhe Serbisë, kam theksuar se një marrëveshje mes nesh do të krijonte më shumë stabilitet dhe paqe në rajon. Për Kosovën dhe Serbinë kjo do të mundësojë anëtarësimin në BE, derisa për Kosovën edhe në NATO.?-shkruan Thaçi.

Thaçi shprehet se nuk do të ketë kufij monoetnik dhe të dyja shtetet do të jenë shumetnike.

?Nuk do të ketë kufij monoetnik dhe të dyja shtetet do të jenë shumetnike. Arritja e një marrëveshjeje ligjërisht obliguese, nënkupton që nuk do të ketë më kurrë luftë ndërmjet dy shteteve. Qytetarët do të kenë një jetë më të mirë, sepse nga jetësimi i marrëveshjes do të përmirësohet edhe gjendja ekonomike dhe do të krijohen më shumë vende të punës, derisa kufijtë do të largohen, duke u bazuar në modelin evropian. Shansi për të arritur një marrëveshje të tillë asnjëherë nuk ka qenë më i mirë, sepse kemi mbështetjen e BE-së dhe SHBA-së. Risia është që edhe Rusia do të jetë në gjendje të pranojë marrëveshjen, nëse të dyja palët pajtohen.?-shkruan ai.

Sipas tij, ky moment duhet shfrytëzuar për interesat e të dyja vendeve.

? Prandaj, është me rëndësi që të shfrytëzohet ky momentum për të arritur një marrëveshje të balancuar, e cila merr parasysh interesat e dy vendeve. Në të kaluarën nuk ka pasur një gatishmëri të tillë. Nëse ne nuk e shfrytëzojmë këtë shans, atëherë qytetarët tanë do të na mallkojnë në dekadat e ardhshme.?-shprehet Thaçi.

Më tej Presidenti i Kosovës ka zbuluar se kjo masrrëveshje nukm ka të bëjë vetëm me korrigjimin e kufijve por dhe me aspekte të tjera.

?Kjo marrëveshje nuk ka të bëjë vetëm me korrigjimin e kufijve, por edhe me aspekte të tjera. Kjo marrëveshje do të jetë gjithëpërfshirëse, e cila trajton edhe çështje të tjera, si çështjen e personave të zhdukur nga lufta e fundit, të cilët edhe më tutje nuk janë kthyer në vendlindje. Marrëveshja ka për qëllim të zgjidhë përfundimisht problemet dhe të mos jetë një zgjidhje e përkohshme, të cilës pastaj duhet t?i rikthehemi.?-vijon më tej Presidenti.

Në mbyllje të shkrimit të tij Thaçi ka shuar përfundimisht ëndrrën e nacionalistëve shqiptarë për të pasur ?Shqipëri të madhe?.

?Nuk do të ketë as ?Shqipëri të madhe?, as ?Kosovë të madhe?. Në vend të kësaj, ne synojmë integrimin e rajonit në Evropën e bashkuar. Në këtë intervistë kam folur edhe për ushtrinë e Kosovës. Ky ishte një vendim i duhur i një shteti sovran, i bazuar në vullnetin e popullit të Kosovës.?-përfundon Thaçi./CNA.al