E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

E zbulon media gjermane/ Balili kishte informatorë në hetuesi

17 Janar 2019, 10:55, Aktualitet CNA

Vetdorëzimi në polici i Klement Balili, ai që është cilësuar edhe si ?Eskobar i Ballkanit?, ka tërhequr edhe vëmendjen e medias gjermane, Spiegel.

Në një shkrim të revistës gjermane, Spiegel, Klement Balili konsiderohet si një prej krerëve të bandave më të kërkuar në botë.Kështu shkruan revista gjermane.

Gjithashtu media gjermane thekson se “Balili konsiderohet se ka lidhje të mira me politikën shqiptare, madje ka qenë edhe zyrtar i administratës shtetërore. Kjo i ka mundësuar atij që për një kohë të gjatë të veprojë në mënyrë të papenguar dhe të shpëtojë nga përpjekjet për arrestim nga policia, pasi mesa duket kishte informatorë në qarqet hetimore.”

Shkrimi i plotë në Spiegel:

Për një kohë të gjatë, ai arriti të shpëtojë nga kthetrat e policisë. Tani, kreu i dyshuar i mafias shqiptare të drogës, Klement Balili, është vetëdorëzuar pranë qytetit jugor të Sarandës. Ai konsiderohej si një prej krerëve të bandave më të kërkuar në botë.

Kreu i policisë shqiptare, Ardi Veliu, e solli personalisht shefin e klanit të drogës në Tiranë. Atje, Balili u vendos në qelitë e paraburgimit. Ai duhet të përgjigjet para gjykatës për dyshimet e trafikut të drogës, krijimit të një grupi të organizuar kriminal, për evazion fiskal dhe pastrim parash.

I njohur edhe si ?Pablo Eskobari i Ballkanit?, ai konsiderohet si një nga organizatorët më të rëndësishëm të trafikut të drogës nga Amerika Latine përmes Ballkanit në drejtim të Europës Perëndimore dhe Veriore.

Autoritetet shqiptare e kërkonin prej dy vitesh.

Balili konsiderohet se ka lidhje të mira me politikën shqiptare, madje ka qenë edhe zyrtar i administratës shtetërore. Kjo i ka mundësuar atij që për një kohë të gjatë të veprojë në mënyrë të papenguar dhe të shpëtojë nga përpjekjet për arrestim nga policia, pasi mesa duket kishte informatorë në qarqet hetimore.

Ndërkombëtarisht u bë i njohur kur në maj të vitit 2016, policia greke në bashkëpunim me DEA-n amerikane, kapi rreth 670 kg kanabis në ishullin e Zakinthos.

Balili i shpëtoi për pak arrestimit në atë kohë. Disa anëtarë të bandës së tij u arrestuan. Që atëherë, hetuesit grekë e kanë në kërkim. SHBA, nëpërmjet ambasadorit amerikan në Tiranë, i ka bërë thirrje autoriteteve shqiptare që ta arrestojnë Balilin. Shqipëria është anëtare e NATO-s dhe kandidate për anëtarësim në BE.