web counter
LEXO PA REKLAMA!

SHKARKO APP

App Store
Google Play

E fundit!

x

Të dëbuarit nga Franca dhe Gjermania mbrrijnë në Rinas

16 Janar 2019, 19:33, Aktualitet CNA

Njëqind azilkërkues shqiptarë janë riatdhesuar nga Franca dhe Gjermania  në aeroportin ?Nënë Tereza?.

Rovena Voda, zëvendës ministrja e Brendshme, ka bërë apel nga Rinasi për të gjithë shtetasit shqiptarë të mos aplikojnë për azil të paligjshëm në vendet e Bashkimit Europian sepse shanset për të fituat janë të pakta.

?E drejta për të emigruar i përket çdo shtetasi, por vetëm nëpërmjet procedurave normale, ligjore të pranuara nga të gjitha vendet demokratike,?- është shprehur Voda nga Rinasi.

Sipas zëvendësministres së Brendshme, duhet nënvizuar fakti se vendet e BE-së kanë filluar të aplikojnë dispozita shumë të ashpra ndaj azilkërkuesve shqiptarë, veçanërisht Gjermania dhe Franca.

?Duhet të kuptojmë se edhe një herë, kërkesa për azil është një kërkesë, e cila nuk mund të pranohet nga vendet e BE-së, për shkak se Shqipëria është në listën e vendeve të origjinës së sigurt. Pra do të thotë është shtet me të gjithë standardet, për një jetesë normale, një shtet demokratik, me një qeverisje demokratike dhe shtetasit shqiptarë kanë zero shanse për t?u pranuar kërkesat për azil?, deklaroi Voda.

Gjithashtu, ajo bëri me dije se për shqiptarët që kërkojnë komodim në vendet e BE-së, të cilat deri pak kohë më parë kanë qenë bujare, gjërat kanë ndryshuar sepse legjislacioni gjerman tashmë ka ndryshuar dhe pritet të ripërtëritet  sërish./CNA.al





Lajmet e fundit nga