E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Mbledhja e aleatëve/ Basha paralajmëron protesta masive

16 Janar 2019, 18:46, Aktualitet CNA

Pas mbledhjes së aleatëve të opozitës në selinë e Partisë Demokratike, kreu i PD-së Lulzim Basha ka dalë në një deklaratë për mediat.

Ai tregoi se çfarë vendimesh mori opozita në këtë mbledhje.

Basha tha se ditën e shtunë Partia Demokratike do të mbledhë Këshillin Kombëtar, ku do të vendos për datën e fillimit të protestave popullore, duke shtuar se të njëjtën gjë do bëjnë të gjitha partitë aleate të opozitës.

?Ditën e shtunë PD do mbledhë Këshillin Kombëtar për të përcaktuar ditën e fillimit të protestave popullore dhe të gjitha partitë aleate do mbledhin grupet e tyre për të nisur protestat popullore.?-tha ai.

Më tej, kryedemokrati theksoi se këto protesta do të kërkojnë largimin e kryeministrit Edi Rama.

?Protestat do të zhvillohen për largimin sa më shpejt të Edi Ramës?-deklaroi kreu i PD-së.

Ky vendim i opozitës erdhi pasi gjatë seancës së sotme parlamentare nuk u lejuan që të zhvillonin debat për emërimet dhe shkarkimet që u bënë në qeveri./CNA.al

Deklarata e plotë e kreut të PD-së, Lulzim Bashës:

Gjatë gjithë kësaj kohe opozitës i është kërkuar kthimi në parlament. Sot, e gjithë Shqipëria dhe e gjithë bota pa sesi në parlament, Edi Rama i hoqi opozitës dhe të drejtën më elementare kushtetuese, të drejtën për të folur. Vendi po rrëshqet drejt autoritarizmit dhe diktaturës. Edi Rama ka tani një parlament privat, për të shkatërruar interesat kombëtare, ka ndërtuar një qeveri private për të vjedhur qytetarët, ka ndërtuar një shtet privat për të dhunuar qytetarët.

Opozita është e vendosur t?i japë fund krizës politike dhe ekonomike ku është zhytur vendi. Prandaj, në përgjigje të mijëra mesazheve dhe duke dëgjuar zërin e qytetarëve, ne vendosëm të udhëheqim revoltën e qytetarëve me protesta popullore deri në rrëzimin e Edi Ramës. Ky është vendimi i Opozitës së Bashkuar.

Pyetje: Kur do të nisin protestat?

Basha: Ditën e shtunë, Partia Demokratike do të mbledhë Këshillin Kombëtar, për të përcaktuar ditën e nisjes së protestave popullore, dhe secila prej partive anëtare të koalicionit të opozitës së bashkuar, përfaqësuesit parlamentarë të të cilëve dhe përfaqësuesit e tjerë po kështu do të mbledhin forumet e tyre dhe do të vendosin dhe do t?u komunikojmë shumë shpejt nisjen e protestave popullore sipas vendimit që kemi marrë.

Pyetje: A do të shkoni në parlament paralelisht?

Basha: Ne do të bëjmë gjithçka për t?i shërbyer objektivit që shpallëm këtu, largimit një orë e më parë të Edi Ramës.?