web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Balilit/ Kushti i zbardhur nga Artan Hoxha

15 Janar 2019, 13:29, Aktualitet CNA

Çështja e të shumëkërkuarit prej më shumë se dy vitesh për trafik ndërkombëtar droge, Klement Balilit është një temë, e cila prek jo vetëm kronikën e zezë, por edhe politikën.

Para pak muajsh, më saktësisht më 15 tetor kryeministri Edi Rama kërkoi që Balili të arrestohej përpara mbërritjes së ambasadores së Shteteve të Bashkuara të Amerikës në Shqipëri.

?Nuk dua që të presim të vijë ambasadorja e re e SHBA që të thotë se Klement Balili nuk është arrestuar ende.

Nuk dua i dashur drejtor, të na përmendë ambasadorja e re amerikane Klemend Balilin, ashtu si nuk dua të jenë në detyrë drejtorë e shefa, në zona, ku uniforma vihet në diskutim?-ka thënë Rama.

Ndërsa, ish-ambasadori Donald Lu, në mënyrë të përsëritshme gjatë dy viteve pati kërkuar arrestimin e tij.

I njohuri si “Eskobari i Ballkanit? u arrestua ditën e sotme, ndërsa si kusht të vetëdorëzimit kishte vendosur  mbylljen e hetimeve nga ana e Prokurorisë dhe dorëzimi i dosjes në gjykatë.

Kjo gjë është paralajmëruar edhe nga gazetari investigativ, Artan Hoxha para pak kohësh.

?Klement Balili nuk pranon të dorëzohet deri sa prokuroria të dorëzojë dosjen në gjykatë, pasi pretendon se nuk ka prova.

Ai ka thënë se në momentin që dosja do të shkojë për gjykim, do të dorëzohet.

Policia nuk ka arritur ta thyejë këtë sistem mbrojtës që ka krijuar Balili për ta arrestuar.

Ne dimë çfarë provash ka sjellë Greqia, por nuk dimë çfarë ka bërë prokuroria shqiptare me hetimet?- ka thënë gjatë një interviste gazetari i kronikës së zezë, Artan Hoxha./CNA.al





Lajmet e fundit nga