E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Kërkoi favore seksuale/ Ish-kryegjyqtari kërkon rikthimin në detyrë

13 Janar 2019, 14:02, Aktualitet CNA

Ish-kryetari i Gjykatës së Gjirokastrës, Guximtar Boçi, bërë i njohur për opinionin publik nga skandali seksual që transmetuar nga emisioni ?Stop? në tv Klan ka kërkuar rikthimin në detyrë, dy vjet pas pezullimit.

Ai ka bërë këtë kërkesë , pasi është shpallur i pafajshëm nga një vendim i Gjykatës së Apelit Vlorë në muajin shtator të vitit 2018.

Ai u denoncua nga një grua, së cilës i kishte kërkuar favore seksuale në këmbim të ndikimit në një çështjeje të hapur gjyqësore që ishte në ngarkim të një tjetër gjykatëseje.

Në denoncimin e publikuar në ?Stop?, kreu i Gjykatës e kishte puthur në zyrë dhe kërkesën për favore seksuale ia kishte bërë disa herë dhe në ambientet e jashtme.

Më tej, gruaja ka bërë të ditur se kur i është përgjigjur negativisht, atëherë ajo u shpreh se e humbi gjyqin.

Audio-përgjimet bënë të munduur që përveç aferës seksuale që kërkonte gjyqtari, të dilnin të tjera shkelje, mes tyre dhe korrupsion pasiv.

Më tej, nga ekspertizat gjykata ka liruar dhe nxjerrë si të pafajshëm 57-vjeçarin duke e nxjerrë audio-përgjimin si të sajuar me programe kompjuterike.

Ndërsa, denoncuesja ka thënë se janë 50 minuta përgjime dhe se janë publikuar vetëm 4 minuta prej tyre.

Ish-gjyqtari i Gjirokastrës ka kërkuar rikthimin në detyrë në një kohë kur hetimet kanë dalë në favor të tij.

Ligji parashikon një afat kohor nga tre muaj deri në dy vjet për marrjen e masës së pezullimit, periudhë kjo e cila është ezuruar nga të gjithë.

Boçi ka kërkesa të përsëritura në KLD që prej muajit qershor 2017 e në vazhdim për tu rikthyer në detyrë, por kërkesat e tij nuk janë marrë në shqyrtim.

Ai ka bërë kërkesën e parë në datën 9 qershor 2017, ndërsa të fundit që i drejtohet organit të ri, KLGJ, e ka bërë në datën 20 dhjetor 2018 dhe ende pritet shqyrtimi i saj./CNA.al

PAFAJËSIA

Më 27 shtator 2018, Gjykata e Apelit Vlorë rrëzoi kërkesën e ankimit të shtetases R. Islamaj dhe për ndryshimin e vendimit të Gjykatës së Shkallës së Parë Fier, duke i dhënë gjyqtarit Boçi pafajësinë. Në 25 maj 2017, Prokuroria e Fierit vendosi pushimin e procedimit penal ndaj Boçit me arsyetimin se ?nga hetimi nuk rezultoi që personi nën hetim të ketë marrë përfitim material apo seksual nga shtetësja R. Islamaj, i cili të ketë ndikuar më pas në vendimin gjyqësor ku kjo e fundit të ishte palë?.

Hetimet penale për ish?kryegjyqtarin nisën fillimisht nga Prokuroria e Krimeve të Rënda që pas një periudhe tremujore, pasi kreu hetimet e nevojshme, vendosi moskompetencën për hetimin e çështjes, duke ia kaluar të drejtën e hetimit Prokurorisë së Rrethit Gjyqësor Fier. Pas katër muaj hetimesh, kjo Prokurori vendosi pushimin e procedimit penal për veprën penale ?Ushtrim i ndikimit të paligjshëm ndaj personave që ushtrojnë funksione publike?, pasi fakti nuk parashikohet nga ligji si vepër penale.

?Nga hetimi nuk rezultoi se personi nën hetim të ketë marrë ndonjë përfitim material apo seksual nga ana e shtetases R. Islamaj, i cili të ketë ndikuar më pas në vendimin gjyqësor ku kjo e fundit ishte palë?, thuhet në përfundimet e Prokurorisë së Fierit. Madje, prokurorja Elida Hoxhaj në fund thotë se ?veprimet e personit nën hetim Guximtar Boçi, i cili me veprimet e tij i ka krijuar përshtypjen shtetases R. Islamaj se mund të infuencojë mbi gjyqtaren e çështjes, kërkesa për krijimin e një marrëdhënieje dashurie me të, si dhe veprimet e gjyqtares së çështjes Blerta Çibuku (Marku), të tilla që vënë në dyshim paanësinë e saj në gjykim, vlerësoj se përbëjnë shkelje të Kodit të Etikës Gjyqësore?.