E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nga Artur Ajazi/ Janari i acartë Lulzimit

11 Janar 2019, 13:09, Aktualitet CNA

Janari i 2019 ka hyrë i ftohtë, ashtu siç ka gjetur të acartë ky janar edhe opozitën e këtij vendi.

Ngrirja e gjithçkaje që ka në dispozicion opozita politike në Tiranë, e ka shpjegimin tek sinjalet e fikura, tek mungesa e seriozitetit që ka përçarë dhe po shkërrmoq kupolën drejtuese të saj.

Po të kthehemi mbrapa në kohë, kujtojmë se Lulzim Basha u rikonfirmua në detyrën e kryetarit të PD, mes debatesh dhe dyshimesh të shumta që vinin më së shumti nga brënda partisë tij, nga kontestuesit e tij, dhe jo vetëm.

Por me gjithë kontestimet e shumta, Lulzim Basha arriti të fitonte, dhe nisi një ?betejë? me gjoja pretendimin se ?do të ringirnte PD?, por që deri sot ajo ka rezultuar se nuk ka qenë as betejë dhe as mision politik.

Personalisht nuk kam besuar dhe nuk besoj se Partia Demokratike mund të ringrihet nga beteja të tipit ?Basha?, ndërkohë që mendoj se ringritja dhe ribashkimi i saj, do të ishte gjëja e duhur për një opozitë të çorientuar. Lulzim Basha vazhdimisht ka menduar dhe deklaruar se ?ringritja e PD do të ishte graduale duke motivuar militantët e saj?, gjë e cila deri sot ka rezultuar tentativë e dështuar.

Brenda PD besoj se ka mjaft deputetë dhe jo vetëm, që mendojnë se mënyra e vetme e ringitjes së partisë është ?deberishizimi i saj?, pavarsisht se asnjë prej tyre nuk guxon ta shprehë atë hapur.

Lulzimi nuk ka gjasa të spastrojë PD nga berishistët, për sa kohë që edhe vetë ai merr ?bekimin? e Doktorit gjithmonë kur gjendet gafil.

Një tjetër problem komik që ka sot PD, mbetet edhe përçarja e brendshme, pasi edhe vetë kundërshtarët e Bashës kanë zgjedhësit e tyre në bazë, duke sjellë të paktën në votimin e fundit demotivim masiv ndaj asaj partie.

Votuesit e PD-së janë akoma berishistë dhe asgjë tjetër, ndërkohë që Lulzimi nuk ka arritur të bëjë ?bashistë? as gjysmën e tyre.

Fillimisht Lulzimi kishte pas vehtes një grup njerëzish, prej të cilëve sot nuk i ka mbetur askush veç deputetëve servilë. Madje këta të fundit, (të kthyer thjesht në rrogëtarë të rëndomtë) ja kanë bërë partinë Lulzimit një postiqe të madhe, ku veç fshijnë këmbët dhe përplasin duart kur është nevoja.

Përsa i përket aleancave, fillimisht është menduar se ?bashkëpunimi me LSI-në do të ishte e vetmja gjë që i kishte mbetur Bashës?, por shumë shpejt ka rezultuar se ky bashkëpunim nuk ishte aq i lehtë.

Kjo për faktin se se dy partitë opozitariste, kanë kohë që kanë nisur garën për t?i marrë njëra-tjetrës votuesit e lëkundur nga qendra në bazë. Viti 2018 u mbyll me histori dhe bilance negative për opozitën politike në Tiranë, ndërkohë që janari i 2019 ka nisur i acartë.

E ndarë mes kërkesave të studentëve dhe pamundësisë së organizimit të protestave ?popullore?, opozita e Lulzim Bashës (pa aleatët) gjendet sot e ?ngrirë? mes Unazës së Madhe tek Astiri, në pritje të pranverës.

Ky do të jetë janari i ankthit dhe sprova më e madhe e një kryetari opozite , që mes dilemash dhe pamundësish të pafundme që ka për betejën e madhe që e pret në qershor të 2019, pritet të gjejë ose të zgjedhë rrugë të ?pashkelura?, deri në zbulimin e skenarave me ervinë, ?vjedhje votash? apo dhe ?tradhëtarë të blerë nga Rama?.