E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Pse antisistemi tremb Ramën, Bashën dhe Metën/ Si kërkon të shpëtojë kasta e tranzicionit

11 Janar 2019, 09:54, Aktualitet CNA

Mbrëmjen e djeshme në emisionin ?Opinion?, kryetari i Partisë Demokratike, Lulzim Basha tha se ?Ata që kërkojnë zgjidhje jashtë sistemit, janë ata që shfajësojnë Ramën?, një artikulim që tregonte shqetësimin e Lulit dhe reflektonte se tashmë ai e ka kuptuar se nuk është alternativë dhe zgjidhja e shqiptarëve përballë bëmave dhe gjëmave të qeverisë Rama.

Ajo që tha Basha në fakt për ata që kërkojnë zgjidhje jashtë sistemit, janë krejt e kundërta e çfarë tha kreu i PD, i cili me cinizëm i bashkoi me Arlind Qoorin dhe lëvizjen e tij neo marksiste.

Në fakt Lulit nga protesta drunë ja vunë studentët dhe jo Arlind Qorri, këtë të fundit e morën me shkelma më keq se Lulin.

Zgjidhja jashtë sistemit është shpresa e vetme që sot kanë shqiptarët në shumicën e tyre. Së pari janë të lodhur nga ky sistem që përdoret nga një kastë politikanësh me rotacion, duke plaçkitur vendin dhe duke vazhduar pa ndalim agoninë e një tranzicioni sfilitës 30-vjeçar.

Ka Arlind Qorrin që është neo marksist dhe nuk e do sistemin, por është edhe shumica e shqiptarëve që sistemin e identifikojnë me këtë kastë të pështirë politike, që fillon me Ilir Metën, shkon tek Lulzim Basha si trashëgimtar i Sali Berishës, e mbyllet me Edi Ramën. Ky është thelbi i problemit që kanë shqiptarët me sistemin dhe kastën aktuale të korruptuar politike në çdo anë.

Luli e ka kuptuar që është thjeshtë një segment i sistemit dhe shpreson të bjerë Rama e të vijë Lulzimi, që në fakt të dy në thelb nuk ndryshojnë shumë. Ju duhen 2 orë bisedime dhe Luli i fal Ramës cfarë të dojë, që nga PD, përfaqësimin e opozitës, gjithçka mjafton që Edi t?i japë çfarë i kërkon familja Lulit dhe të mbyllë gojën e Monikës. Kjo është provuar jo më larg se 1 vit e gjysëm më parë.

Prandaj Luli duhet ta dijë mjaft mirë se të jesh kundër sistemit nuk shfajëson Ramën, por je kundër Ramës, Lulit dhe Metës bashkë dhe kjo sot duket të jetë shumica e bindjes që kanë shqiptarët me shpresën që të shembet kjo kastë dhe jo të ketë rotacion hajdutësh brenda sistemit./CNA.al