"Kam bërë zborin në Shqipëri"/Bleona Qerreti kërcënon organizatorin për paratë

30 Dhjetor 2018, 19:29, Aktualitet CNA

Bleona Qereti është një nga femrat më joshëse dhe të guximshme të ekranit shqiptar. Në intervistën e saj për “Why Not” në Ora News, Bleona tregoi ngjarjen e një koncerti në Londër ku u mbyll në banjë për të marrë paratë. Nga kjo situatë, përfituan dhe artistët e tjerë duke marrë pagesën, përveç Mariza Ikonomit.

Bleona Qereti: Mariza nuk dëgjoi dhe doli në skenë ndërkohë që njerëzit brohorisnin tjetër emër dhe të nesërmen në mëngjes, kur koncerti kishte mbaroi, çdo gjë ishte në rregull dhe të gjithë ishim të kënaqur. Çohem në mëngjes për të pirë kafe dhe shoh Marizën aty. I them, ‘Si kaluat mbrëmë? U kënaqët? U lodhët?’ Mirë më thotë mua, po ju i morët lekët? I them, ‘Urdhëro? Normalisht që i morëm lekët, ne lekët i marrim të para, çfarë është ky muhabet’. Dhe më thotë, ‘Ai më tha mua që do ti jap në Tiranë, do ia jap një kushëririt tënd dhe duhet ta pres dy javë’. I thashë unë, ‘Mariza, je në terezi? Nëse të ka thënë që i merr për dy javë, ti punën e ke bërë dhe s’ke për ti parë ato lekët kurrë.’

Dhe i them atij, ‘O legen, hajde këtu. Si është e mundur që kësaj nuk ia ke dhënë lekët?’ Ai, ‘Po jo, çke jam marrë vesh me Marizën.’ I thashë, ‘Jo ti nuk je marrë vesh me Marizën, ne nuk ikim sot pa ia marrë lekët kësaj gocës’, se mua më erdhi keq me thënë të drejtën. Dhe i thashë atij, ‘Ne jo që nuk ikim, le ta humbim biletën e avionit e të gjitha, por ti do kesh problem shumë të madh nëse nuk ia jep lekët kësaj gocës.’ I them asaj, ‘Mariza, nxirre biletën ti shohim kur i kemi’. Ajo dridhej se situata ishte shumë e tensionuar, unë i bërtisja atij dhe nxjerr ajo një palë brekë e thotë, një sekondë se nuk po i gjej. Gjithë atë seriozitetin dhe kërcënimin tim e zhbëri për 2 minuta. Kam idenë që ai ia dha lekët, ne e humbëm avionin, por këto janë histori të bukura që më bëjnë për të qeshur.

Ndër të tjera gjatë intervistës, ajo ka treguar një moment kur është mbyllur në tualet gjatë kohës që do të performonte në një concert në Londër. Ajo ka thënë se në qoftë se nuk më jepnin lekët më përpara, nuk dilja të këndoja, kështu gjeta rrugën më të lehtë.

?Unë jam si të fortët. Mbasi marr lekët e mia, pastaj ndihmoj dhe familjen, marr dhe lekët e të tjerëve. Shumë organizatorë, flasim para shumë viteve, organizonin këto koncertet por zakonisht kishin dhe një qëllim të fshehur. Donin të thërrisnin artistët dhe të mos u jepnin lekët pas koncertit.

Kështu që, artistët e shkretë dilnin në skenë, këndonin e bënin punën e tyre dhe në fund niseshin në shtëpi pa para. Mua, pasi më ndodhi kjo punë një herë, dy herë, e pashë që ishte bërë modë kështu që nuk dilja në asnjë koncert pa marrë paratë e mia. Pasi merrja të miat, merrja dhe të kolegëve. Thoja, ‘Mirë unë që nuk dal, por nuk del asnjë njeri derisa të merrnin lekët.’ Është mentalitet i të fortëve, por unë zborin e kam bërë në Shqipëri kështu që është normale.

Mbaj mend në një koncert në Londër, ka qenë dhe Rita dhe vërtetë u mbylla në banjo dhe i thashë jam me dhimbje stomaku, nuk dal. Njerëzit bërtisnin në skenë “Bleona Bleona”. Shkon Rita e i thotë, ‘Shiko, asaj po nuk i dhe lekët nuk të del në koncert. Ta harrosh këtë punë’. Mbaj mend atë të shkretin që i binte derës dhe thoshte, Bleona i kam këtu lekët e tua. Dhe mbaj mend që unë mora lekët e gjithë grupit që kishim shkuar në Londër?, tha Bleona.