E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Rama nuk ndalet/ Abuzuesit duan dëmshpërblim

22 Nëntor 2018, 09:28, Aktualitet CNA

Kryeministri Edi Rama ka hapur seancën plenare të ditës së sotme duke folur për projektbuxhetin e vitit 2019 dhe projektin e Unazës së Re.

Në fjalën e tij Rama ka thënë se projekti i Unazës së Re, do të përfundojë ashtu siç është projektuar, pasi sipas tij ka nga ata qytetarë që kërkojnë dëmshpërbim për prona të palegalizuara.

Kryeministri ka përmenduar rastin e dy qytetarëve Gjovalinit dhe Ramanazanit, të cilët aktualisht ndodhen në protestën para Parlamentit.

“Sot ka shumë më tepër shqiptarë që paguajnë atë që meritojnë. Kadri Vasili do thoshte me lekët e vetë Unazës së Re merreni dhe jepjani zaptuesve sepse e keni korruptiv më segmentin e Unazës së Re. Është një Kadriotizëm me Yllin në Ballë dhe Andin ndër shalë.

Abuzuesit e Tiranës së Re kërkojnë dëmshpërblim për pronat që nuk i kanë të tyret. Kujt t’ja marrim rrogën që t’ja japim Gjovalinit nga Lezha. Ka edhe dy godina pa leje në Tiranë, edhe një në Kashar pa leje të legalizuar, por edhe një në Lezhë në proces legalizimi.

Një tjetër rast është ai i Ramazanit. Zoti Ramazan nuk pranon që ti shembet objekti i pestë pa leje dhe kërkon dëmshpërblim.

Agroni është bashkuar me Ramazonin dhe të dy bashkë janë gati të japin jetën. Nuk ju mjaftojnë bizneset pa leje që kanë zënë po duan edhe më shumë. Duhet që para se të rritet paga për 100 ushtarak të dëmshpërblehet 100% zoti Taqi me një tjetër fryt të mundit djersës dhe parturpësisës së tij.

Rritja e pagave të policëve nuk gjen dakordësinë e Edmondit sepse do 100% dëmshpërblim Edmondi cili ka zaputuar Kombinatin e më pas Unazën e Re.

Kur kemi mundësi të rrisim pagat për diplomatët është një Arben që thotë jo pasi ka ndërtuar tre objekte në njësinë e 7 dhe pret edhe një tjetër dhe do 100% dëmshpërblim. Do marr armën thotë Beni bashkë me Palin bashkë me Mondin bashkë më kategorinë e Oligarkëve siç kanë qejfi t?i quajnë këta që i janë bashkuar. Bashkë me Salianjin që larg qoftë i ndodh gjë. Bashkë me Kujtimin i cili kërkon lekë për pronat që i ka shtuar njëra pas tjetrës.

Po këtu te Unaza e Re zoti Kujtim e do dhe për këtë as libra falas e asgjë në botë. Kujtimi është i bindur që po nuk i dhamë lekët nuk i hap rrugë 1 milion budallenjve që kanë paguar taksa për çdo gjë. Këta budallenjë para se të hyjnë në Tiranë duhet t?i japin lekët Kujtimit. Bashkimi është rekordmeni i të gjithë këtyre, ka bërë 4 ndërtime dy i ka në Dajt një në Ali Dem?,- u shpreh Rama./ CNA.al