web counter
LEXO PA REKLAMA!

SHKARKO APP

App Store
Google Play

E fundit!

x

578 kg drogë në Qafë-Thanë/ Flet pronari i furgonit: E kam shitur, nuk kam lidhje

22 Nëntor 2018, 10:28, Aktualitet CNA

Pronari i kompanisë fasoneri në emër të së cilës ishte regjistruar furgoni i kapur me drogë në Qafë-Thanë, Ilir Dauti ka folur për ngjarjen e ndodhur ditën e djeshme.

Ai tha se furgonin ka kohë që e ka shitur, por akoma nuk është bërë noteria pasi personi që e ka marrë nuk i kishte në gjendje paratë.

?Personi që do blinte furgonin, nuk kishte paratë, ndaj nuk bëmë aktin noterial Për shitjen e furgonit kemi bërë akt marrëveshje me personin. Likuidimin do ta bënte në fund të vitit, atëherë do bënim edhe kalimin e pronësisë?, tha pronari i furgonit.

Më tej pronari i fasonerisë u shpreh se shoferi që drejtonte furgonin, ishte vëllai i personit që e ka blerë.

?Ky person nuk dinte që vëllai ia kishte marrë furgonin. Nuk më erdhi mirë që u përmend emri im në këtë ngjarje. Furgoni i përket kompanisë tonë, por nuk ka asnjë lidhje me këtë ngjarje. Përmendja e emrit tim është në kundërshtim me ligjin, kanë abuzuar me mua?, u shpreh ai.

Ilir Dauti shtoi se furgoni kishte të shkruar edhe emrin e firmës tjetër që e kishte në përdorim.

?Sot isha në polici dhe më thanë që nuk përfshihesh në hetim. Personi që ka në përdorim furgonin e pranon edhe sot që e ka blerë furgonin. Puna në kompaninë time vijon normalisht, pasi kjo s?ka asnjë lidhje?, mbylli fjalën e tij pronari i fasonerisë./ CNA.al





Lajmet e fundit nga