web counter
LEXO PA REKLAMA!

SHKARKO APP

App Store
Google Play

E fundit!

x

LSI bojkoton mbledhjen e Këshillit Bashkiak/ Mbështet protestuesit

15 Nëntor 2018, 11:11, Aktualitet CNA

Sot, Grupi Këshilltarëve të LSI dhe Opozita e bashkuar në Bashkinë e Tiranës bojkotuan mbledhjen e Këshillit Bashkiak dhe iu bashkuan qytetarëve të zonës së Astirit, banesat e të cilëve do të shemben nga projekti i Unazës së Madhe.

Në një deklaratë për mediat, grupi i LSI në vizionin e tij beson se institucioni i Këshillit është pranë qytetarëve dhe jo në salla!

?Këshilltarët janë votuar dhe mandatuar për të zgjidhur çdo problemet dhe shqetësim të komunitetit të qytetit tonë.

Grupi i LSI duke mbështetur projektet madhore për zhvillimin e Tiranës, kërkon me vendosmëri që të dëmshpërblehet çdo sakrificë dhe shpenzim ekonomik për çdo banesë,duke respektuar të drejtat e qytetarëve dhe të pronës të garantuara nga Kushtetuta, ligjet dhe Konventat Europiane, si edhe të bëhen transparente dhe publike për qytetarët detajet e projektit të Unazës së Madhe!?-thuhet në deklaratë.

Më tej, grupi i këshilltarëve të LSI thekson se mundi dhe djersa e çdo shqiptari të ndershëm që kanë ndërtuar shtëpitë për familjet dhe fëmijët e tyre, meriton të dëmshpërblehet drejtësisht, pasi të gjithë qytetarët që kanë ndërtuar në këto 28 vjet duhet të trajtohen dhe të ndihen të barabartë përpara ligjit dhe shtetit të së drejtës.

Gjithashtu, ata shprehen se grupi i LSI si në të kaluarën, edhe në këtë rast, garanton opinionin, se do të jetë pranë interesave të qytetarëve duke mbështetur kërkesat e drejta të banorëve të Astirit, dhe do bëhet mburojë e interesit publik kundër çdo interesi të oligarkëve.





Lajmet e fundit nga