web counter
LEXO PA REKLAMA!

SHKARKO APP

E fundit!

x

Gjonaj takim me Fleckenstein/ Çfarë kërkon eurodeputeti

8 Nëntor 2018, 14:58, Aktualitet CNA

Ministrja e Drejtësisë Etilda Gjonaj ka zhvilluar një takim ditën e sotme me Raportuesin për Shqipërinë në në Parlamentin Europian, eurodeputetin Knut Fleckenstein, i cili shoqërohej nga Ambasadori i Delegacionit të Bashkimit Evropian në Tiranë, Luigi Soreca.

Gjonaj e konsideroi një takim të frytshëm dhe të fokusuar tek reformat, si ngritja e institucioneve të reja në drejtësi, KLP dhe KLGJ, lufta kundër korrupsionit, reforma e pronës si dhe masat e reja për forcimin e sigurisë së brendshme.

Raportuesi i PE, Fleckenstein vlerësoi përpjekjet e mëdha që janë bërë jo vetëm në Reformën në Drejtësi, por edhe në proceset e tjera, si lufta kundër korrupsionit, reforma e tokës dhe sistemin penitenciar.

Ai kërkoi të vazhdohej në rrugën e nisur duke përshpejtuar proceset dhe shprehu gadishmërinë e plotë për të mbështetur zbatimin e reformave shtetformuese.

Kurse ministrja Gjonaj theksoi gjatë këtij takimi se Taks Forca Antikorrupsion në bashkëpunim edhe me institucionet e tjetra ligj zbatuese ka dërguar në prokurori për ndjekje penale 35 zyrtarë të lartë, ndërkohë që janë marrë rreth 400 masa të tjera disiplinore./ CNA.al





Lajmet e fundit nga