web counter
LEXO PA REKLAMA!

SHKARKO APP

App Store
Google Play

Spartak Ngjela akuza të forta Ramës dhe Berishës/ Zbulon çfarë fshihet pas ngjarjes në Bularat

8 Nëntor 2018, 13:59, Aktualitet CNA

Avokati Spartak Ngjela vijon të hedhë akuza të forta në drejtim të klasës politike në vend.

Në një postim në rrjetet sociale, Ngjela ka reaguar në lidhje me ceremoninë mortore që ju bë sot 35-vjeçarit Kostandinos Kaficas, në Bularat të Gjirokastrës, të cilën e cilëson si ?turpi grek i Bularatit?.

Sipas Ngjelës, shteti grek në krizë që vjen dhe provokon shqiptarët në Shqipëri.

Më tej, Ngjela në postimin e tij ka hedhur akuza të forta ndaj ish-kryeministrit Sali Berisha, dhe kryeministrit Rama, për të cilët thotë se duan të destabilizojnë Shqipërinë, me ca ?anadollakë? të ardhur nga Greqia.

?Shteti grek në krizë që vjen dhe provokon shqiptarët në Shqipëri.

Por kanë fushë veprimi nga një kryeministër pa asnjë vlerë kombëtare, që me naivitet, njëlloj si Saliu, të dy bashkë menduan se mund të destabilizonin Shqipërinë me ca lapaculë anadollakë të ardhur nga Greqia.

Asgjë nuk mund t’i bëjnë dot Shqipërisë këta njerëz pa asnjë vlerë, që vinë këtu për të fyer shqiptarët. I patë? Të çmendurit që kërkojnë antihistorinë.?-shkruan Ngjela në postimin e tij.

Ndërsa më tej, ai thekson se asgjë nuk iu bëjnë dot shqiptarëve, sepse gjithçka sipas Ngjëlës po shkon drejt bashkimit gjithëshqiptar në Ballkanin Perëndimor.

?Ky turp i sotëm, do të jetë sigurisht fakt dobibrurës në ecurinë drejt rikthimit të personalitetit shqiptar në Ballkanin Perëndimor.
Janë të humbur historikë këta grekë që bërtasin sot në jerm në Shqipëri… por këtu nuk ua kanë fajin shqiptarët, por ata që në 150 vjet i kanë gënjyer për historinë e tyre të falsifikuar.
Shqipëria po shkon e sigurt drejt bashkimit gjithëshqiptar, duan apo nuk duan neoandartët qesharakë grekë.?-shkruan avokati Spartak Ngjela./CNA.al





Lajmet e fundit nga