web counter
LEXO PA REKLAMA!

SHKARKO APP

App Store
Google Play

E fundit!

x

Lleshi letër drejtueseve të policisë/ Merrni masa urgjente për djegien e mbeturinave

7 Nëntor 2018, 16:31, Aktualitet CNA

Një ditë pas emërimit si zëvendës ministri i Brendshëm, Sandër Lleshi ka dhënë një urdhër drejtuar Policisë së Shtetit.

Në letër Lleshi drejtuar drejtueseve të policisë, ai ka kërkuar të merren masa urgjente për djegien e mbeturinave.

Ai i kërkon Policisë së Shtetit të marrë masa urgjente dhe të mbajë nën kontroll situatën, duke bashkëpunuar me institucionet vendore.

Sipas zëvendës ministrit, qytetet më problematike në këtë drejtim janë: Durrësi, Vlora, Kukësi, Tirana dhe Dibra.

Letra e zv.ministrit 

I nderuar Z. Drejtor,
Siç jeni në dijeni, ditët e fundit është shtuar problematika lidhur me djegien e mbeturinave në vende të hapura pranë qendrave të banuara, si dhe në landfille, duke u kthyer kështu në një rrezik serioz për shëndetin e banorëve pranë tyre. Informacionet e fundit tregojnë se Qarqet më problematike janë ato të Durrësit, Vlorës, Kukësit, Tiranës dhe Dibrës.
Nisur nga sa më sipër, kërkoj që strukturat vendore të Policisë së Shtetit të marrin masa urgjente për të mbajtur nën kontroll situatën në të gjithë territorin e vendit. Për këtë, ato të bashkëpunojnë ngushtë me strukturat përgjegjëse në Prefektura, Bashki, Njësi Administrative, si dhe me ato të Ministrisë së Turizmit dhe Mjedisit, me qëllim ndalimin e zjarreve në landfille dhe vende të hapura publike. Po ashtu, strukturat e Policisë të komunikojnë edhe me kompanitë e kontraktuara për pastrimin e qyteteve/njësive vendore, për t?i dhënë fund një fenomeni të tillë të rrezikshëm.
Sa më sipër, kërkoj nga Policia e Shtetit raportime të veçanta ditore për këtë çështje./ CNA.al





Lajmet e fundit nga