E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Analisti mesazh për politikën/ Çfarë ndodh nëse Policia dhe Prokuroria lihen të qeta

22 Tetor 2018, 18:18, Aktualitet CNA

Analisti Lorenc Vangjeli ka komentuar zhvillimet e fundit në vend, ku është ndalur tek super aksioni i policisë, i cili u shtri në të gjithë vendin, si rrjedhojë e të cilit u arrestuan 27 persona me rekorde të shumta kriminale.

Sipas Vangjelit, nëse politika nuk ndërhyn tek Prokuroria dhe Policia, edhe shteti më i dobët është më i fortë.

Ndër të tjera analisti ka shkruar se krimi shqiptar është lehtësisht i identifikueshëm, pasi tipologjia e të gjithë banditëve shqiptarë është e njëjtë.

“Kjo fundjavë shqiptare dha një leksion të fortë në disa drejtime. E para, nëse ka vullnet politik, edhe shteti më i dobët, është më i fortë se të gjithë ata që pretendojnë se mund të bëjnë ligjin si të fortë në Tiranë e gjetkë. Policia e Shtetit dhe Prokuroria e Krimeve të Rënda kanë mundësi që të jenë fituese në këtë sfidë spirale me botën e errët.

Mjafton vetëm që politika të mos bëhet shkop dhe t?i trajtojë ato si rrota. E dyta, krimi shqiptar është ndoshta më uniku në botë. Sepse është krim budalla. Nëse në të gjithë botën banditët fshihen, në Shqipëri ata ecin në rrugë me uniformë dhe kanë adresa të përcaktuara. Secili bandit e tregon me emër e mbiemër se kush është; nuk kërkohen hetime për t?i identifikuar.

Tipologjia e banditit shqiptar është e thjeshtë: paguan të dalë në televizor; në fillim blen vota dhe pastaj paguan edhe për diplomën e shkollës së mesme e të universitetetit që të quhet politikan; blen prona të patundshme dhe shëtit me makina të prodhimit të fundit, kryesisht fuoristrada të zhurmshme dhe me cilindratë të madhe, që sipas një vlerësimi psikologjik, demonstron frustrimin e tij seksual.

Mban zinxhitë të trashë ari në qafë dhe unaza të shumta në gishta. Flokët e qethur njëlloj, barku i të njëjtës përmasë pavarësisht palestrës, dashuria për kokainën dhe tatuazhet e njëjtë plotësohen nga e njëjta tipologji vajze që i rri pranë: buzë, gjoks e vithe bisturie”, ka shkruar ndër të tjera Vangjeli. /CNA.al