web counter
LEXO PA REKLAMA!

SHKARKO APP

App Store
Google Play

E fundit!

x

Dhunoi nxënësin/ Shoqërohet në polici shoferi i furgonit

6 Tetor 2018, 15:02, Aktualitet CNA

Një shofer furgoni, i cili transportonte nxënës shkolle, ka ushtruar dhunë ndaj njërit prej tyre. Ngjarja e rëndë është regjistruar ditën e sotme në Dibër, ndërsa pamjet e dhunës janë filmuar nga vetë fëmijët, të cilët kanë denoncuar më pas rastin në polici.

Bëhet e ditur se shoferi i furgonit ka qenë në ndikimin e pijeve alkolike, kur ka kryer aktin e dhunës.

Ministria e Arsimit, pasi mori në dorë pamjet filmike, ia dërgoi Ministrisë së Brendshme, e cila nëpërmjet një deklarate për shtyp ka sqaruar ngjarjen.

Zv/Ministrja e Brendshme, Romina Kuko,  u shpreh se personi në fjalë ndodhet aktualisht në komisariatin e Dibrës.

Kuko ka shtuar më tej, se policia po  vijon hetimet për të zbardhur ngjarjen dhe pasi të kryejë të gjitha procedurat ligjore, do të dalë në një deklaratë për mediat.

Deklarata e plotë

Ministria e Brendshme është sinjalizuar nga Ministria e Arsimit lidhur me një incident të ndodhur në furgonin, i cili transportonte nxënës në Dibër. Ministria e Brendshme i ka kërkuar menjëherë Policisë të veprojë. Policia ka identifikuar autorin, i cili aktualisht mbahet në ambientet e Komisariatit të Dibrës për të kryer veprimet e para procedurale.Pas përfundimit të këtyre veprimeve, Policia e Shtetit do të dalë në një deklaratë të detajuar sqaruese për ngjarjen. Ministria e Brendshme nxit Policinë e Shtetit të kryejë të gjitha veprimet ashtu siç e ngarkon ligji. Siguria e qytetarëve vjen e para. Siguria e fëmijëve vjen qëndron mbi gjithçka. Çdo abuzim ndaj tyre do të ndëshkohet me zero tolerancë. Nxisim gjithashtu qytetaret te denoncojne çdo shkelje ne numrin 112 dhe ne Komisariatin Dixhital. Sheh diçka thuaj diçka! /CNA.al

 





Lajmet e fundit nga