web counter
LEXO PA REKLAMA!

SHKARKO APP

App Store
Google Play

E fundit!

x

Tiranën e “mbulon” gjaku/ Xhafaj në turizëm

5 Tetor 2018, 08:28, Aktualitet CNA

Situatë e frishme në Shqipëri. Çdo ditë në media raportohet dhe shkruhet për viktima nga aksidentet apo vrasjet anekënd Shqipërisë. Të vdekurit kanë zënë rrugët në të gjithë vendin.

Por, kjo panoramë nuk e trazon Ministrin e Brendshëm. I rrethuar nga kufomat jo vetëm të aksidenteve por edhe të krimeve të tjera, siç ishte masakra e Selenicës, Xhafaj, vijon të mos heqë dorë nga posti i Ministrit të Brendshëm.

Tetë anëtarë të një familje u ekzekutuan pak kohë më parë me armë zjarri në Selenicë të Vlorës, ndërsa për ministrin Xhafaj, kjo ishte vetëm një statistikë më shumë dhe asgjë më tepër se kaq.

Nga ana tjetër, jo më larg se mbrëmjen e djeshme, në mes të Tiranës, në një nga zonat më të frekuentuara të ish-bllokut, një person ka mbetur i vdekur dhe tre të tjerë u plagosën pas një breshëri plumbash mes dy bandave. Kur kjo ndodh në mes të Tiranës, çfarë mund të ndodhë në periferi apo në qytete të tjera?

Ndërkohë, Xhafaj nuk merr asnjë përgjegjësi për vrasjet që kanë pushtuar vendin, për shpërthimet me eksploziv që janë kthyer në normalitet, për aksidentet rrugore që po marrin jetë njerëzish. Për Ministrin Xhafaj, kjo është një situatë normale, në një vend të vogël si Shqipëria.

Duket se nuk është problem për Ministrin që të vriten tetë vetë në një ditë nën hundën e policies, të ekzekutohet një person në mes të kryeqytetit dhe të vdesin çdo ditë njerëz rrugëve.

Ndërkohë që vrasjet trondisin vendin dhe krmi ka mbirë kudo, ministri i Brednshëm, Fatmir Xhafaj thotë se po vijon takimet për çështjet e sigurisë në BE dhe rajon.

Në një postim në rrjetet sociale, Xhafaj shkruan ?4 ditë të ngjeshura me takime dhe aktivitete për çështje të sigurisë në BE e rajon. 2-3 tetor, takim i Drejtorëve të Policisë së vendeve ballkanike, Europol, DEA, FRONTEX, UNODC. Sot e nesër, Ministeriali Bashkimi Evropian – Ballkani Perëndimor për Çështjet e Brendshme e Drejtësisë. Ministra nga vende të Ballkanit dhe të BE-së, së bashku me Komisionerin e BE-së Avramopoulos. I pranishëm edhe Ministri i Brendshëm i Austrisë, vend që mban Presidencën e radhës të BE-së, si dhe shumë personalitete të agjencive të ndryshme ligj zbatuese evropiane. Mirësevini!?.

Mesa duket për Xhafajn rëndësi ka të vijojë takimet, ama se ç’ndodh në vend, se rrugët i mbulon gjaku, se vrasjet bëhen në hundën e policisë, se grabitjet me maska dhe armë nuk kanë të ndalur, nuk duket të jetë problem për ministrin e Brendshëm. Ndoshta ai ndihet më i sigurtë mes kufomave, ndaj hesht dhe nuk merr përgjegjësi për krimin që ka pushtuar vendin./CNA.al





Lajmet e fundit nga