web counter
LEXO PA REKLAMA!

SHKARKO APP

App Store
Google Play

Pastrimi i parave/ Gjykata sekuestron pasurinë e 50 vjeçarit

2 Tetor 2018, 14:32, Aktualitet CNA

Gjykata e Fierit ka vendosur sekuestro preventive ndaj shtetasit Vangjel Ziaj 50 vjeç. Sipas burimeve të policisë, pasuria e sekuestruar kap vlerën e 1 milion eurove.

Pasuritë e sekuestruara të 50 vjeçarit janë, një kompleks shërbimesh ?Pelikani? i ndodhur në lagjen “Sheq i Madh” Fier,  një apartament me sipërfaqe 70 metra katror në lagjen “Kryengritja e Fierit” dhe një automjet i markës “Benz”.

Ziaj aktualisht ndodhet në Itali dhe është dënuar me 32 vite e 6 muaj burg për veprën penale ?Trafiku i lëndëve narkotike?.

Ndërkohë po vijon puna për identifikimin e pasurive të tjera që mund të ketë ky shtetas dhe personat e lidhur me të.

Njoftimi i policisë

Forca e Ligjit” në veprim, sekuestrohen 1 milion euro pasuri të paluajtshme të përfituara nga veprimtaria kriminale. Në kuadër të luftës kundër krimit të organizuar dhe pastrimit të parave, gjurmimit, gjetjes, sekuestrimit me qëllim konfiskimi të aseteve kriminale që rrjedhin nga veprimtaria kriminale, është hapur procedimi penal i regjistruar për veprën penale “Pastrimi i produkteve të veprës penale ose veprimtarisë kriminale” parashikuar nga Neni 287 i Kodit Penal për hetime të pasurisë së shtetasit Vangjel Ziaj (Arben Gropa).

Në përfundim të veprimeve të kryera, nga ana e Sektorit për Hetimin e Krimit Ekonomik e Financiar në Drejtorinë Vendore të Policisë Fier në bashkëpunim me Prokurorinë e Rrethit Gjyqësor Fier, u zbatua vendimi i Gjykatës së Rrethit Gjyqësor Fier për sekuestro preventive në lidhje me pasuritë e shtetasit: – Vangjel Ziaj, 50 vjeç, banues në Fier. Ky shtetas është dënuar nga autoritetet italiane me 32 vjet e 6 muaj burg për veprën penale “Trafiku i narkotikëve? dhe është duke vuajtur dënimin në Itali. ? Pasuritë e sekuestruara kapin vlerën e 1 milion euro: ? Vijon puna për identifikimin e pasurive të tjera që mund të ketë ky shtetas dhe personat e lidhur me të. /CNA.al





Lajmet e fundit nga