web counter
LEXO PA REKLAMA!

SHKARKO APP

App Store
Google Play

E fundit!

x

Dhunimi i Xhisiela Malokut/ “Qëndrimi i Policisë është mashtrim”

1 Tetor 2018, 14:39, Aktualitet CNA

Partia Demokratike në një deklaratë për media ka vijuar me denoncimin e Qeverisë dhe kryeministrit Rama për rastin e Xhisiela Malokut, e cila është dhunuar nga djali i deputetit socialist, Rrahman Rraja, sikurse e cilësoi ekspertiza.

PD shkruan se prej qëndrimit korrekt të nën komisarit Emiljano Nuhu, pra krah ligjit, sot shqiptarët po marrin vesh të vërtetën në lidhje me dhunimin e 25-vjeçares.

?Është mashtrim qëndrimi i Policisë se ndjekja penale nuk u mbyll edhe pas tërheqjes së kallëzimit nga vajza e dhunuar. Ligji e detyron policinë që, për veprat penale që ka kryer djali i deputetit, të mos e mbyllë çështjen edhe kur denoncuesi tërhiqet?,- shkruhet ndër të tjera në deklaratë.

Deklarata e plotë:

Që prej 21 korrikut, kur Xhisiela Maloku bëri denoncim për përdhunim, kanosje me armë dhe kërcënim për jetën ndaj djalit të deputetit socialist, Rrahman Rraja, korrektesa e Policisë së Shtetit përfaqësohet vetëm nga nënkomisar Emiljano Nuhu.

Për shkak se oficeri i policisë, mori anën e ligjit dhe jo të krimit, sot kemi gjurmë të denoncimit!

Për shkak të guximit dhe përgjegjshmërisë qytetare të atij që Edi Rama e kërcënoi dhe e quajti horr, qytetarët po njohin të vërtetën se Policia nuk u shërben atyre, por kriminelëve.

Është mashtrim qëndrimi i Policisë se ndjekja penale nuk u mbyll edhe pas tërheqjes së kallëzimit nga vajza e dhunuar. Ligji e detyron policinë që, për veprat penale që ka kryer djali i deputetit, të mos e mbyllë çështjen edhe kur denoncuesi tërhiqet.

Qëndrimi i sotëm i policisë për sjellje korrekte të saj që prej fillimit të denoncimit, përgënjeshtron kryeministrin Edi Rama se Emiljano Nuhu është një horr që ka shkelur ligjin dhe duhet ndjekur këmba këmbës.?/ CNA.al

 





Lajmet e fundit nga