web counter
LEXO PA REKLAMA!

SHKARKO APP

Dhuna ndaj Xhisiela Malokut/ Rama "shkund" gratë e Parlamentit

28 Shtator 2018, 19:09, Aktualitet CNA

Deputeti i LSI, Luan Rama ka reaguar në lidhje me dhunën e ushtruar ndaj Xhisiela Malokut, nga djali i deputetit Rrahman Rrahja.

Sipas Ramës, në Kuvend ekziston forumi ?Aleanca e Grave Deputete, i cili duhet të ishte mbledhur menjëherë dhe të tundte qeverinë, gjykatat dhe prokurorinë.

Më tej Rama ka shtuar se ky forum duhet ti qëndronte në krah Xhisielës së dhunuar, por heshti si shëmtia e Kuvendit.

Postimi i plotë

Një vajzë e dhunuar dhe Aleanca e Grave Deputete, si shëmti e Kuvendit ku edhe unë jam deputet!

Në Kuvendin e Shqipërisë ekziston edhe një forum; Aleanca e Grave Deputete.

Do të duhej të ishte mbledhur menjëherë sapo u mësua se Xhisiela Maloku është dhunuar, por nuk është mbledhur!

Do të duhej që të mblidhej e të tundte Kuvendin e Qeverinë, gjykatat e prokurorinë, po nuk e ka bërë!

Do të duhej t?i gjendej në krah e ta merrte në mbrojtje Xhisielën e dhunuar, por e ka lënë atë të braktisur e të vetme përballë opinionit e pushtetit!

Do të duhej të iniconte një aksion qytetar në të gjithë vendin kundër dhunës e barbarisë ndaj grave, por Aleanca e Grave

Deputete hesht si shëmtia e Kuvendit ku edhe unë jam deputet!
Sa turp! /CNA.al





Lajmet e fundit nga