E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Transmetimet dixhitale/ Gazetari zbulon të vërtetën, përtej zhurmës

11 Shtator 2018, 14:33, Aktualitet CNA

Gazetari i ekonomisë Klodian Tomorri në një postim në rrjetet sociale ka shkruar se transmetimet analoge në Shqipëri duhet të ishin mbyllur që në vitin 2015, por u shtynë deri në shtator 2018.

Sipas tij ky hap i qeverisë i cili po komentohet si zhvatje e popullit, parshikohet me ligj nga BE, pasi para disa vitesh vendi ynë është bërë pjesë e marrëveshjes së GE 06, por sigurisht që sipas tij qeveria duhet të kishe menduar edhe për të varfërit.

?Kalimi nga transmetimet analoge në transmetimet numerike është një proces global i detyrueshem per te gjitha vendet, qe koordinohet nga Bashkimi Ndërkombëtar i Telekomunikacioneve, ndryshe i njohur si ITU. Shqiperia ben pjese ne rajonin 1 sipas ndarjes territoriale te ITU-se?,- shkruan ndër të tjera Tomorri.

Postimi i plotë:

Ne 2 Maj te vitit 2012, qeveria e Sali Berishes miratoi nje vendim, i cili shtroi strategjine kombetare per kalimin nga transmetimet analoge tek ato dixhitale. Sipas vendimit, brenda dates 17 qershor te vitit 2015, asnje televizion shqiptar nuk mund te transmetonte me ne analog, por te gjithe duhet te kalonin ne transmetimin dixhital.

Vendimi nuk ishte pasoje e lobimit te ndonje grupi interesi. Ai ishte nje hap i diktuar nga zhvillimet e reja teknologjike dhe nje detyrim qe Shqiperise i rrjedh nga Marreveshja GE 06, e miratuar nga Kuvendi i Republikes ne vitin 2008.

Kalimi nga transmetimet analoge në transmetimet numerike është një proces global i detyrueshem per te gjitha vendet, qe koordinohet nga Bashkimi Ndërkombëtar i Telekomunikacioneve, ndryshe i njohur si ITU. Shqiperia ben pjese ne rajonin 1 sipas ndarjes territoriale te ITU-se.

Pse BE dhe ITU e kane bere te detyrueshem per te gjitha vendet antare kalimin nga analog ne dixhital? Arsyeja eshte e thjesht. Perdorimi me efektiv i frekuencave. Frekuencat jane te kufizuara. Transmetimi dixhital ze shume me pak hapsire frekuencash se sa ai analog. Ose e thene ndryshe, per te njejtin breze frekuencash transmetimi dixhital siguron disa here me shume kanale se sa ai analog.

Data 17 qershor 2015 qe qeveria vendosi si afat fundor per kalimin e te gjitha transmetimeve ne dixhital, nuk ishte teke as e Doktorit as e Genc Pollos, qe ne ate kohe ishte minister i inovacionit, ne mos gaboj. Ajo ishte nje detyrim i percaktuar dhe i sanksionuar pikerisht nga Bashkimi Nderkombetar i Telekomunikacioneve.

Kjo qe po ndodh tani duhet te ishte bere 3 vjet me pare. Nga qershor 2015 deri ne shtator 2018, Shqiperia ka mbi tre vjet qe shkel marreveshjen GE 06 dhe per kete ka marr jo pak kercenime nga Bashkimi Europian.

Kjo eshte e gjithe historia e kesaj pune. Tani se si duhet te veproje qeveria me te varfrit, kjo eshte histori tjeter. /CNA.al