E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Lulit mos i luani lekët

11 Shtator 2018, 13:38, Aktualitet CNA

Disa ditë më parë, gjatë një takimi që opozita zhvilloi në Elbasan, ku denoncoi situatën kriminale në vend, ndër të tjera Basha bëri edhe një propozim, sipas të cilit edhe politikanët duhet t’i nënshtrohen procesit të Vettingut.

Një propozim ky, i cili me siguri është i mirëpritur edhe nga opinion publik. Por, në propozimin e Bashës ka edhe një detaj. Ai kërkon ?mos ti preket pasuria?.

Pra, Basha kërkon që politika të mos i nënshtrohet kontrollit pasuror, por vetëm të verifikohen lidhjet e tyre me gangster apo kriminelë.

Në një kohë që vetë Basha rezulton të jetë miliarder, apo kunati i tij me 6 biznese, kreu i PD kërkon që politikanët dhe familjarët e tyre mos t’i nënshtrohen Vettingut pasuror.

Pra, me këtë propozim që ka bërë vetë për Vettingun, Luli tregon se është me variantin ?bëj Vetting, por pa hapur llogaritë?. Por, një ndër problemet thelbësore të politikës tonë ndër vite ka qenë korrupsioni dhe nëse do t’i bëhet një Vetting, kontrollit pasuror duhet t’i nënshtrohet edhe Luli, edhe Edi, edhe kunati, edhe vjehrri, apo gruaja. Të gjithë pa përjashtim.

Vettingu do të thotë transparencë dhe nuk mund të bëhet me një formular ke apo s?ke shokë gangster apo kriminelë.

Vettingu bëhet duke kaluar në sitë gjithçka dhe çdo gjë dhe pa diskutim të parat duhet të jenë pasuritë.

Basha erdhi në Shqipëri në 2005 dhe deri më sot ka qënë 10 vite në pushtet. Nga këto 5 vite kryetar i PD-së dhe nëse kreu i opozitës nuk pranon të bëjë Vetting të vërtetë dhe të hapë i pari llogaritë, të tijat dhe familjarëve nuk mund të ngrejë besim në opinion dhe nuk mund të grejë opozitën me fjalë dhe me shashka.

Nëse Basha do Vetting të vërtetë, përtej lidhjeve me krimin duhet të bëë Vetting edhe për pasuritë./ CNA.al

Nga kamarier në luks të shfrenuar/ Ku i gjeti paratë Lulzim Basha?