web counter
LEXO PA REKLAMA!

SHKARKO APP

App Store
Google Play

Skandali në arsim/ Mbyllen 14 shkolla në Mat

10 Shtator 2018, 19:21, Aktualitet CNA

Deputetja demokrate, Dhurata Çupi ka denoncuar mbylljen e 14 shkollave në Mat.

Në një postim në rrjetet sociale, Çupi është shprehur se Drejtoria Arsimore e Matit me mbylljen e shkollave, i degëdisi fëmijët rrugëve, në një zonë ku terreni klimaterik dhe gjeografik nuk është favorizues për to.

Postimi i plotë

Plot 14 shkolla janë mbyllur në rrethin e Matit këtë vit.
Një situatë e patolerueshme dhe alarmante ku po e degradon arsimin ky pushtet .

Ndërsa para pak vitesh kërkohej të shtohej numri i shkollave për shkak të numrit të fëmijëve që duheshin arsimuar, sot Drejtoria Arsimore Mat, me një të rënë të lapsit, me argument qesharak dhe arrogant sa vete drejtuesit e saj, sot ne Mat , mbyll derën 14 shkollave duke degdisur fëmijët rrugëve në një zonë ku terreni klimaterik dhe gjeografik nuk ështe favorizues per to.

Ky është skandal.
Është e papranueshme që të sillesh në mënyrë aq cnjerëzore duke i përplasur derën në fytyrë brezit të ri.

Drejtoria Arsimore dhe Ministria e Arsimit ka marrë guximin të vendosë kycin shkollave me mbi 50 vite ekzistencë, që kanë nxjerrë breza të tërë intelektualësh.

Ja sa i rëndon dora drejtuesve te arsimit që vendosi të mbyllë këtë vit :
1.Rrethe~Baz,2.Karice,3.Bshkash,4.Dukagjin,5.Rremull,6.Koder~Lac,7.Burgajet,8.Mallunxe,9.Bater dhe ne Bashkine Klos Jane Shkollat;1.Unjate,2.Pleshe,3.F.Fshat,4.Dom,5.Shul~Bater.

Ky është SKANDAL, ndaj të cilit duhet të merren masa një orë e më parë.
Fëmijët e fshatrave të Matit e Klosit po e presin me ankth ditën e parë të shkollës. /CNA.al





Lajmet e fundit nga