7 të famshmet shqiptare që i mbajnë sekret të dashurit e tyre (FOTO)

7 Gusht 2018, 07:35, Lifestyle CNA

Personazhet e famshme janë gjatë gjithë kohës nën vëzhgimin e syrit kurioz të publikut, i cili do të dijë gjithçka rreth jetës së tyre personale. Lidhjet e tyre të dashurisë janë ato që tërheqin më shumë vëmendjen e publikut.

Mirëpo disa personazhe të njohura janë aq të fshehta saqë kanë arritur t?i mbajnë sekret të dashurit e tyre dhe nuk preferojnë që ta zbulojnë identitetin e tyre. Në jo pak raste ndodh që publikojnë imazhe të tyre në rrjetet sociale, por sigurohen që të mos ua zbulojnë fytyrën.

Nisur nga interesi i publikut mediat rozë kanë arritur të zbulojnë apo të hamendësojnë se cilët janë të dashurit sekretë të disa prej personazheve të njohura shqiptare.

Roza Lati është një ndër moderatoret shqiptare, e cila provokon vazhdimisht duke postuar në rrjetet sociale foto të një mashkulli, i cili ka tatuazhe të shumta, por sigurohet që të mos e zbulojë fytyrën e tij.

Mirëpo një burim ka zbuluar për ?iconstyle.al? se i dashuri i Roza Latit quhet Arbër Fresku dhe madje ka siguruar edhe një imazh të tij.

I dashuri i Rozës është nga Mirdita dhe i dashuron tatuazhet, njërin prej të cilit ia dedikon edhe vendlindjes së tij.

Së fundmi Roza dhe Arbri kanë qenë me pushime, nga ku moderatoja ka publikuar imazhe të shumta, por duke u siguruar të mos e shfaqi fytyrën e Arbrit.

Këngëtarja Elvana Gjata ka preferuar gjithmonë që romancat e saj ti mbaj larg vëmendjes së publikut, madje edhe lidhjen me Flori Mumajesin nuk e ka konfirmuar asnjëherë publikisht.

Mirëpo kohët e fundit po përflitet se Elvana ka nisur një lidhje të re me një djalë misterioz nga Tirana. Një histori dashurie kjo që Elvana e ruan me shumë fanatizëm nga vëmendja e mediave.

Mirëpo pak para koncertit gjigand që Elvana mbajti në Prishtinë u mësua se ajo kishte marrë një propozim për fejesë me një unazë mbresëlënëse me gurë diamanti, pikërisht nga mashkulli i shumë përfolur.

Në një intervistë për ?Prive?, e pyetur në lidhje me këtë propozim Elvana nuk ka preferuar të tregojë asnjë detaj, duke e anashkaluar pyetjen.

?Po pse nuk shikon orën, vathët apo kapelën ti, por shikon unazën?, ishte përgjigja e Elvanës.

Një këngëtare tjetër e njohur e cila provokon vazhdimisht me imazhin e të dashurit të saj sekret, por që nuk e zbulon asnjëherë atë është Fjolla Morina.

Ajo është aq e fshehtë saqë nuk ka treguar asnjëherë as baballarët e dy vajzave të saj.

Mirëpo kohët e fundit duket se Fjolla ka nisur një lidhje të re dhe po provokon vazhdimisht në rrjetet sociale duke publikuar foto të një mashkulli misterioz, të cilit nuk ia zbulon asnjëherë fytyrën.

Ish-banorja e ?Big Brother?, Armela Hyseni është gjithashtu një ndër personazhet më të komentuara për jetën e saj private. Vetëm pak kohë më parë ajo publikoi në Instastory një foto ku shfaqej e ulur në prehrin e një mashkulli, të cilit ishte siguruar t?ia fshinte fytyrën.

Mirëpo nisur nga veshja dhe varësja e tij është arritur të zbulohet se ai është reperi i njohur Enra Hajrizaj, i cili njihet me emrin e artit Ecsobar.

Ai jeton në Londër dhe vetëm pak kohë më parë u rikthye në Shqipëri për të promovuar disa projekte të reja muzikore. Escobar nuk është një personazh i panjohur për ne pasi për një periudhë kohe e kemi parë edhe në klipet e grupit ?OTR?.

Mirëpo Armela i ka mohuar këto lajme duke thënë se ata janë thjesht miq dhe janë njohur nga një shoqëri e përbashkët. Gjithsesi këto detaje i kanë bërë fansat të dyshojnë se midis tyre nuk ka thjesht shoqëri, por ata janë në një lidhje dashurie.

Këngëtarja Anjeza Braka ka tërhequr gjithashtu vëmendjen e publikut për jetën e saj private. Në fillimin e këtij viti Anjeza u përfol në mediat rozë se është duke jetuar një romancë dashurie me një biznesmen të njohur që jeton jashtë Shqipërisë.

Pas këtyre lajmeve Anjeza reagoi nëpërmjet një postimi në Instagram se ai është thjesht shok. Mirëpo udhëtimet e tyre të përbashkëta duket se nuk e bindin publikun për vërtetësinë e kësaj marrëdhënie mes tyre.

Aktorja e njohur Ema Andrea ka preferuar gjithashtu që ta mbajë sekret lidhjen e saj më të fundit. Vetëm disa muaj më parë ?Newsbomb.al? zbuloi se aktorja është duke jetuar një histori të bukur dashurie me piktorin Eldon Luarasi.

Dyshimet për lidhjen e tyre të dashurisë i shtuan pikturat intime që piktori i realizonte aktores, por edhe arratisjet e tyre të përbashkëta, si dhe komentet plot dashuri në fotot e njëri-tjetrit.

Pavarësisht këtyre detajeve Ema ka reaguar duke thënë se mediat nuk dinë asnjë gjë për jetë e saj dhe nuk duhet të merren me të. Ndryshe nga lidhjet e tjera ajo ka preferuar që ta shijojë këtë romancë në fshehtësi të plotë.

Hueyda El Sayed gjithashtu është përfolur se pas divorcit me bashkëshortin e saj ka nisur një lidhje të re me një mashkull misterioz.

Revista ?Who? e fotografoi pak kohë më parë në shoqërinë e tij dhe pasi qarkulluan këto foto e ftuar në emisionin ?Lart e poshtë? ajo ka folur për herë të parë për të.

?Ai është shoku im, nuk është shqiptar. Dashuria ime e parë dhe shpresoj të jetë e fundit?- ka thënë artistja duke mos dhënë asnjë detaj më shumë rreth identitetit të tij.