web counter
LEXO PA REKLAMA!

SHKARKO APP

App Store
Google Play

E fundit!

x

Prela presion prokurorëve/ Listë me emrat që zvarrisin hetimet, ja kur fillojnë arrestimet “VIP”

2 Gusht 2018, 08:15, Aktualitet CNA

Kryeprokurorja e Krimeve të Rënda Donika Prela ka vënë në rresht si oficerët e policisë gjyqësore, ashtu dhe prokurorët. Pak ditë më parë doli në media një letër e saj, e cila kërkonte nga policia gjyqësore që t?i viheshin në dispozicion të gjitha të dhënat mbi çështjet që ata kanë në hetim. Letra mban datën 20 korrik, por gazeta Sot ka mësuar se një kërkesë e ngjashme është bërë dhe për prokurorët.

Më 8 korrik 2018 Prela ka kërkuar informacion mbi hetimet dhe nga prokurorët. Sipas burimeve, të gjithë prokurorët dhe oficerët e policisë gjyqësor e i kanë vënë asaj në dispozicion të gjithë të dhënat e kërkuara, duke e informuar me detaje se në çfarë faze janë hetimet për emra të njohur dhe çështje të bujshme. Një burim pranë prokurorisë i tha gazetës se i gjithë qëllimi i këtyre kërkesave është për t?u dhënë fund zvarritjes së hetimeve. Në prokurori ka çështje që kanë më shumë se një vit nën hetim dhe nuk po zbardhen.

Mësohet se Prela tani do të ketë një listë të qartë të të gjithë prokurorëve dhe policëve gjyqësore që zvarrisin çështjet. Më vonë pritet që për emrat problematikë ajo të kërkojë që të përshpejtojnë hetimet. Bashkimi Europian pak ditë më parë kërkoi që të nisin arrestimet në nivele të larta.-raporton gazeta Sot.

Shpresat janë te ngritja e SPAK, por me gjithë luftën e madhe politike që po bëhet, nuk dihet nëse këto organe do arrijnë të jenë 100 për qind funksionale. Për këtë arsye në lëvizje janë vënë Krimet e Rënda. Pritet që në vjeshtë të fillojnë arrestimet në nivele të larta me qëllim që BE t?i jepen sinjale se vendi ynë po lufton korrupsionin.





Lajmet e fundit nga