web counter
LEXO PA REKLAMA!

SHKARKO APP

App Store
Google Play

E fundit!

x

U akuzua për ndotjen e detit/ Nis procedimi penal për 41-vjeçaren

1 Gusht 2018, 19:43, Aktualitet CNA

Policia e Durrësit ka nisur procedimin penal në gjendje të lirë për një 41-vjeçare nën akuzën se ndoste detin.

Nga të dhënat të bëra të ditura nga policia mësohet se procedimi ka nisur ndaj shtetases M.Zh. 41 vjeçe, banuese në Tiranë.

Njoftimi i plotë i policisë:

Durrës

Specialistët për Krimet në Komisariatin e Policisë Durrës filluan procedimin penal në gjendje të lirë në ngarkim të shtetases M.Zh. 41 vjeçe, banuese në Tiranë.

Procedimi filloi pas denoncimit të kryer ditën e sotme në Komisariatin Dixhital, për ndotje të detit.

Menjëherë nga ana e  Efektiveve të Stacionit të Policisë Manëz, u ushtruan kontrolle dhe afër grykderdhjes së kanalit ujëmbjedhës të Hidrovorit në fshatin Hamallë, Njësia Administrative Sukth u konstatua se një firmë ndërtimi, punimet zbatuese të së cilës drejtoheshin nga shtetasja M.Zh, po gërmonte e pastronte kanalin duke i hedhur ujërat e pastrimit në det dhe ndotur atë.

Në cilësinë e provës materiale është sekuestruar mjeti që shërbente për gërmimin dhe dokumentacioni i firmës së ndërtimit.

Të gjitha veprimet hetimore janë kryer në bashkëpunim me Prokurorinë e Rrethit Gjyqësor Durrës duke referuar materialet për veprën penale “Ndotja e ujërave” parashikuar në nenin 203 të Kodit Penal. /CNA.al

 





Lajmet e fundit nga