web counter
LEXO PA REKLAMA!

SHKARKO APP

App Store
Google Play

E fundit!

x

Plumb në kokë shoferit të Xhafajt/ Si u hodh mjegull mbi krimin makabër

1 Gusht 2018, 18:29, Aktualitet CNA

Të shtunën e 30 qershorit, është gjetur i vrarë me plumb në kokë në ambjentet e Gardës së Republikës, Shkëlzen Qordja, shoferi i ministrit të Brendshëm, Fatimir Xhafa.

Ngjarja u mbajt e fshehtë, për disa orë nga policia, gjë që ngriti shumë dyshime dhe hodhi zëra për një atentat mafioz.

Kur ka kaluar një muaj, ende kjo ngjarje mbetet mister, dhe organet kompetente hetimore nuk e kanë sqaruar asnjëherë.

Sot, 31 vjeçari Qordja, është harruar si rast, edhe pse pati dyshime të mëdha se u manipulua vendi i ngjarjes.

Në ambjentet e Gardës ku ka ndodhur ngjarja nuk ka pasur kamera, për shkak se garda po zhvendosej.

Madje, disa ditë pas ngjarjes, gazetari Artan Hoxha ka dhënë disa detaje tronditëse.

Në emisionin ?Opinion?, Hoxha tha se arma me të cilën është (vetë)vrarë Qordja nuk i përkiste atij, por shoqëruesit të ministrit Xhafaj.

Sipas Hoxhës, shoferët mbajnë armë pistoletë, ndërsa arma me të cilën u krye akti është automatik.

?Nuk është arma e shoferit, por arma e shoqëruesit. Ai është i gjetur i vrarë me automatik, që nuk mbahet nga shoferi?, tha Hoxha.

Sot e kësaj dite nuk sqaruar pozicioni i shoqëruesit të Xhafaj dhe fakti se çfarë donte arma e tij në duart e Shkëlzen Qordjas.

Pas Ramës dhe Xhafës, edhe Policia dhe Prokuroria me versionin e vetvrasjes

Disa orë pas ngjarjes, Ministri i Brendshmë Fatmir Xhafaj apo edhe kryeministri Edi Rama, e servirën rastin në publik si vetvrasje.

Në të njëjtën linjë qëndruan edhe organet hetuese.

Si kurrë më parë ende pa u kryer ekzaminimet dhe ekspertiza përkatëse ata dolën me përfundimin se 31 vjeçari, Shkëlzen Qordja ishte vetvrarë.

Policia e Tiranës, SHÇKB dhe Prokuroria, disa orë pas ngjarjes thanë se për nga mënyra se si është gjetur trupi i 30-vjeçarit, kishin të bënim, me një vetëvrasje.

?Nga veprimet e para hetimore rezulton se në mjetin e Gardës u gjet i pajetë, i ulur në sediljen e shoferit, punonjësi SH.Q. Makina ishte e parkuar në garazhin e caktuar për mjetet e Ministrisë së Brendshme, i cili u gjet i mbyllur nga brenda.

Nga kqyrja rezultoi se në kokën e viktimës ka plagë tejshpuese të shkaktuar nga armë zjarri, me qitje me drejtim nga e djathta në të majtë. Në vendngjarje u gjetën 3 gëzhoja të qitura nga arma automatike tip ?MP5?, e cila ishte në dorën e djathtë të viktimës, me levën e ndërrimit të llojit të zjarrit, në pozicionin ?qitje breshëri?. Nga tërësia e veprimeve hetimore të kryera deri tani në vendin e ngjarjes, dyshohet se viktima është vetëvrarë, me armën e shërbimi?, thuhej në njoftimin e organeve hetuese.

Vetvrasje apo vrasje? Policia dhe Prokuroria i mbyllën hetimet që me nxjerrjen e komunikatës për media, ndonëse rasti ishte tejet i rëndë./CNA.al





Lajmet e fundit nga