web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ KPK, bashkëpunim me Top Channel për të goditur gjyqtarin

28 Korrik 2018, 14:51, Aktualitet CNA

Anëtari i Gjykatës së Lartë, Shkëlzen Selimi, tha me zë atë që po diskutohet së fundmi në rrethet politike, mediatike dhe të drejtësisë-Komisioni i Pavarur i Kualifikimit po funksionon me një ?axhendë okulte? për të goditur fillimisht mediatikisht, e më tej nëpërmjet procedurave të tij, gjyqtarë dhe prokurorë të caktuar.

Shkëlzen Selimi refuzoi të vijonte të merrte pjesë në seancën dëgjimore të Premten, pasi nuk u pranua një kërkesë e tij për pezullimin e procesit të Vetingut dhe nisjen e hetimit disiplinor për treshen gjykuese që po kryen rivlerësimin kalimtar të tij, të përbërë nga kryesuese Etleda Çiftja, relatore Xhensila Pine dhe anëtare Valbona Sanxhaktari.

Gjyqtari i Lartë argumentoi kërkesën e tij në faktin se, vetëm një ditë para seancës dëgjimore, në televizionin Top Channel ishte transmetuar një kronikë kundër tij, duke u mbështetur në dokumenta konfidencialë, të cilët ishin në dispozicion vetëm të Komisionit të Vetingut (KPK).

Selimi foli për shkelje të konfidencialitetit nga ana e KPK-së, madje edhe për dyshimet se institucioni i Vetingut i ka shitur informacione të dosjes së tij, Top Channel-it. Nga ana e tij, televizioni ka transmetuar një seri kronikash abuzive dhe linçuese ndaj gjyqtarit Shkëlzen Selimi, për qëllime tërësisht private të administratores së organit mediatik, Vjollca Hoxha.

Top Channel ka një proces të hapur gjyqësor në Gjykatën e Lartë për pronësinë e televizionit. Vjollca Hoxha ka ngritur një padi kundër dy ortakëve të tjerë të shumicës dhe gjyqtari Shkëlzen Selimi është një prej anëtarëve të trupës gjykuese. Fakti që ai është goditur shumë gjatë muajit të fundit nga Top Channel krijon dyshimet e forta se Vjollca Hoxha, në bashkëpunim me drejtorin e përgjithshëm të televizionit, Ben Blushi, nuk kanë arritur ta ?fusin në dorë? gjyqtarin Selimi.

Kjo luftë e jo-morale e televizionit ndaj një gjyqtari është njëra anë e medaljes. Ana tjetër është fakti që edhe një institucion i pavarur, i cili proklamon të sigurojë gjyqësor me integritet, Komisioni i Pavarur i Kualifikimit, bashkëpunon në mënyrë të paskrupullt me një televizion, e cila është palë në një proces gjyqësor.

Rasti ?Selimi?, për fat të keq, nuk është i pari ku Komisioni i Vetingut bashkëpunon në mënyrë jashtë-ligjore me organe mediatike. Pak ditë më parë, edhe prokurorja e Prokurorisë së Përgjithshme, Rovena Gashi, akuzoi zyrtarisht dhe publikisht Komisionin e Pavarur të Kualifikimit se kishte bashkëpunuar në mënyrë abuzive me një portal, nën administrimin e ish-deputetit Alfred Peza, për të nxjerrë të dhëna konfidenciale të saj. Ky i fundit është marrë i pandehur për ?pastrim parash? pikërisht nga një hetim i zhvilluar nga prokurorja Gashi.

Njëlloj si në rastin e Gashit, edhe për gjyqtarin Shkëlzen Selimi, Komisioni i Vetingut ka bashkëpunuar ?në errësirë? me Top Channel-in, i cili ka konflikt të hapur me gjyqtarin.

Shkëlzen Selimi, ashtu si edhe prokurorja Rovena Gashi, kanë akuzuar Komisionin e Pavarur të Kualifikimit për shkelje të rëndë të parimit të konfidencialitetit, i mbrojtur në mënyrë të posaçme nga Kushtetuta e Shqipërisë dhe nga Konventa Europiane për të Drejtat e Njeriut.

Por, pavarësisht shkeljeve, trupat me nivel thuajse mediokër të Komisionit të Vetingut, kanë rrëzuar me arrogancë argumentat e gjyqtarit dhe të prokurores. Ato kanë vijuar seancat e tyre, në mungesë të këtyre subjekteve, duke e shndërruar procesin në një farsë ligjore dhe proceduriale./ BoldNews





Lajmet e fundit nga