Kush e shpëtoi Xhezair Zaganjorin?!/ Nga Vilma Nushi tek Edi Rama

24 Korrik 2018, 18:52, Aktualitet CNA

Kryetari i Gjykatës së Lartë Xhezair Zaganjori ka kaluar Vettingun. Sot, Komisioni i Pavarur i Kualifikimit ka konfirmuar në detyrë Zaganjorin.

Megjithëse pati dyshime për kalimin e tij në këtë proces, për shkak të pasurisë prej 1 miliard lekësh, KPK, e nxori të pastër në të tre shtyllat e vlerësimit.

Por, si doli i pastër Zaganjori nga Vettingu?

Kujtojmë se një ndër emrat kryesorë, në mos më kryesori i listës së kandidatëve për president që qarkulluan në tryezën e negociatave mes kampeve politike në vitin 2012, ishte ai i Xhezair Zaganjorit.

Në cilësinë e kandidatit për President, Zaganjori u dorëzua në zyrën e Edi Ramës, shkruan CNA.al.

Rama e pranoi si kandidaturë atëherë, por tha,- ?se nuk kishte gjë me Xhezair Zaganjorin, por se kërkonte një proces politik dobiprurës, në funksion të kalimit të provës shumëplanëshe, ku ishte vënë Shqipëria dhe politika shqiptare për zgjedhjen e Presidentit të ri të Republikës.

Kjo është historia e tij me Edi Ramën, por mund të ketë dhe më shumë se kaq.

Ndërkohë më tej, janë lidhjet Edi Ramës dhe të afërmëve të Xhezair Zaganjorit, që krijojnë trekëndëshin që mund ta ketë shpëtuar kryegjyqtarin e lartë.

Vilma Nushi, apo e ashtuquajtura Vilma e Check Up-it, ka lidhje familjare me Xhezair Zganjorin. Pasi, ky i fundit është kunati i ?Vilmës së Check Up-it?.

Vilma Nushi, e cila shpesh është akuzuar nga Partia Demokratike se po përfiton miliona euro nëpërmjet konçensionit ?Check Up? në Shëndetësi, lakohet për lidhje të forta me kryeministrin Rama.

Ndoshta, kjo është e vetmja rrugë që ka shpëtuar Xhezair Zaganjorin nga Vettingu.

Gjithë gjyqtarët e Gjykatës së Lartë qenkan të korruptuar edhe me probleme në pasuri, ndërsa kryetari qenka më i ?ndershmi? nga të gjithë, megjithëse pasuria e tij është disa herë më e madhe dhe shumë më problematike se e disa gjyqtarëve të Gjykatës së Lartë dhe jo vetëm.

Po këtë herë nga e vetmja rrugë e shpëtimit, që është Edi Rama apo Vilma Nushi, të cilët bashkohen në të njëjtën pikë, njëherë për Presidentin dhe njëherë për Check Up-in, s’ ka dalë gjë tjetër veçse një Xhezair i shpëtuar nga interesat e politikës./CNA.al

?Supermeni? i Gjykatës së Lartë në luks/ Zbardhen milionat e Xhezair Zaganjorit

https://www.cna.al/2018/07/18/supermeni-i-gjykates-se-larte-xhezair-zaganjorit-i-rrezikohen-milionat-dhe-luksi/

https://www.cna.al/2018/07/24/vettingu-shpeton-sheikun-e-gjykates-se-larte/