“Mbrojti” kolegët e akuzuar për korrupsion/ Zbardhet pasuria e gjyqtares Albana Boksi

19 Korrik 2018, 18:38, Aktualitet CNA

Komisioni i Vettingut po vijon punën me shkarkimin dhe konfirmimin e gjyqtarëve dhe prokurorëve.

Në lidhje me këtë proces janë ngritur hije të forta dyshimi për njëanshmëi pasi, ka gjyqtarë dhe prokurorë që duhej të ishin shkarkuar ndërkohë që janë lënë në detyrë.

Pa përmendur, emra konkretë, gjyqtarët dhe prokurorët e dinë mirë se kush po favorizohet dhe kush po ndëshkohet.

Gjithashtu e dinë mirë se janë zhytur në llum dhe për të ruajtur dinjitetin, integritetin që nuk i kanë fare dhe për të fshehur krimet dhe pisllëqet e tyre, dyshohet se po paguajnë tek komsioni i Vettingut.

Një gjyqtar dhe një prokuror hajdutë dhe kriminel shkarkohet, ndërsa kolegët e tyre po hajdutë dhe kriminelë rikonfimohen në këmbim të pagesës apo në këmbim të ndereve që po iu kthen partia në pushtet.

Gjithsesi CNA.al nuk do të ndalet, në publikimin e skandaleve ku janë zhytur prokurorët dhe gjyqtarët. Pa paragjykuar, por vetëm bazuar në fakte do të hedhim dritë mbi skutat e errëta të drejtësisë edhe nëse procesi i Vettingut i anashkalon.

Këtë radhë do të publikojmë pasurinë e gjyqtares së Apelit për Krime të Rënda Albana Boksi.

Së fundmi kolegia e saj Nertina Kosova e kaloi me sukses procesit e Vettingut në të treja shtyllat.

Kujtojmë se gjyqtarja Boksi ka qenë në të njëjtën trupë gjykuese me Kosovën në rastin e tre gjyqtarëve të Gjykatës së Apelit, Durrësit.

Më herët, Gjykata e Apelit për Krimet e Rënda, ku pjesë e trupës ka qenë dhe gjyqtarja Albana Boksi, ka refuzuar të shqyrtojë kërkesën e prokurorisë për pezullimin nga detyra të tre gjykatësve të Apelit Durrës, të cilët dyshohen për korrupsion pas një udhëtimi turistik në Spanjë të njohur si “Çështja El Classico”, ndërkohë që prokuroria thotë se ka prova të reja nga Spanja për hetimin.

Gjykata e Apelit Për Krime të Rënda e justifikoi vendimin e vet për ?mosmarrje në shqyrtim? të kërkesës së prokurorisë, pasi sipas tyre, kjo kërkesë ?nuk legjitimohet?.

Prokurorët patën kërkuar masë sigurie ?pezullim nga detyra? për tre gjykatësit e Apelit Durrës Kliton Spahiu, Petraq Dhimitri dhe Petrit Çeno, të cilët ishin vënë nën hetim pasi dyshohen se kanë marrë dhuratë nga një palë në proces gjyqësor një udhëtim falas në Madrid të Spanjës për të parë ndeshjen Real Madrit ? Barcelona para se të jepnin një vendim favorizues për biznesmenin që dyshohet se financoi udhëtimin.

Sa i përket anës pasurore, gjyqtarja Boksi, burim të ardhurash rezulton se ka pagën si gjyqtare dhe financat që merr si eksperte nga Shkolla e Magjistraturës.

Deklarata e pasurisë së gjyqtares Albana Boksi

Të ardhurat gjendje në llogarinë rrjedhëse, me datë 31.12.2016, në shumën 379,133.73 lekë

Kursime në cash për vitin 2016 (nga paga dhe të ardhurat e tjera për periudhën 1 janar -31 dhjetor 2016), në vlerën 200,000 lekë

Të ardhura nga paga si gjyqtare në Gjykatën e Apelit për Krime të Rënda Tiranë për periudhën 01/01/2016 deri më datë 31/12/2016, (vlera neto) 1.470.068 lekë

Të ardhura si eksperte dhe pedagoge e jashtme në Shkollën e Magjistraturës, gjatë vitit 2016 (pagesa totale në vlerën neto), vlera 102.280 lekë

Honorare nga pjesëmarrja në aktivitete të ndryshme trajnuese si eksperte në trajnimet me temë -Trafikimi i qenive njerëzore”, në zbatim të projektit -Fuqizimi i kapaciteteve të shtrukturave shtetërore në mbrojtjen e viktimave të trafikimit në Shqipëri”, mbështetur nga Caritas Shqiptar/Albania (gjatë vitit 2016/pagesa në vlerën neto, për 10 trajnime të zhvilluara), në shumën 733.380 lekë

Kontratë kredie për blerje apartamenti banimi (sipas kontratës së porosisë, lidhur në datë 08/12/2015, per apartamentin me sipërfaqe 77,3 m2 dhe çmim 7.0340.300 (shtatë milion e tridhjetë e katër mijë e treqind) lekë, ndodhur në Tiranë).

Kredia është marrë me afat 10 vjet ose 120 muaj, ka filluar nga data e disbursimit të kredisë/lidhjes së kontratës, 01/03/2016 dhe përfundon në datë 01/03/2026. Norma e ineteresit të aplikuar mbi kredinë do të jetë për tre vitet e para 4.5% normë fikse në vit. Pas përfundimit të kësaj periudhe tre vjeçare nga dita e disbursimit të kredisë, mbi kredinë do aplikohet norma e interesit: tribor një vjeçar i fiksuar për një vit dhe i ndryshueshëm çdo vit+1.25% e pandryshueshme deri në përfunidm të kontratës.

Vlera e kredisë së marrë është 4.000.000 (katër milion) lekë.

Deri në datën 13/12/2016 kam paguar 9 këste në vlerën 41,455.36 (dyzet e një mijë e katërqind e pesëdhjetë e pesë pikë tridhjetë e gjashtë) lekë. [Pricipali në vlerën 241,701.14 (dyqind e dyzet e një mijë e shtatëqind e një pikë katërmbëdhjetë)+ interesat në vlerën 131,397.1 (njëqind e tridhjetë e një e mijë e treqind e nëntë dhjetë e shtatë pikë një)].

Gjendja e detyrimit – tepricës së mbetur. deri në datë 31/12/2016 është 3.758,298.86 lekë./CNA.al