web counter
LEXO PA REKLAMA!

SHKARKO APP

App Store
Google Play

Lulzim Bashës i dështon riorganizimi/ Shpall aktivet dhe shtyn zgjedhjet në shtator

13 Korrik 2018, 08:01, Aktualitet CNA

Kryetari i Partisë Demokratike, ka pranuar në heshtje dështimin e riorganizimit të tij. Pra riorganizimin e strukturave në bazë të partisë, pas urdhërit të nxjerrë në 11 maj.

Afati i fundit ishte 30 qershori. Zgjedhjet në bazë, në seksione e grup-seksione nuk u bënë kurrë, ato dështuan. Dështuan sepse pati një bojkot të gjerë nga demokratët nga baza e Partisë Demokratike. Dhe si zgjidhje, apo si shpëtim në fakt, Basha ka zgjedhur diçka tjetër.

Ai ka njoftuar nëpërmjet organizimit zhvillimin e aktiveve të degëve dhe ato kanë filluar në disa degë, ku në fakt edhe pjesëmarrja është thuajse qesharake. Në momentin që kryetari i Partisë Demokratike kishte nxjerrë një urdhër për riorganizimin e bazës dhe zgjedhjen e strukturave të reja ka mbledhur pas përfundimit dhe tejkalimit të të gjitha afateve strukturat e vjetra duke ju thënë se zgjedhet do të shtyhen, pa argumentuar pse, por thjeshtë është thënë se zgjedhet do të shtyhen në shtator.

Në fakt e vërteta është një dhe vetëm një. Bashës i kanë dështuar zgjedhjet në bazë dhe pas dështimit të tyre ai ka gjetur një instrument, për t’i shtyrë ato në shtator.

Por çfarë do të sjellë shtatori?

Asgjë më shumë. Nuk është hera e parë që Bashës i dështon gjithçka në bazë. Sot në disa degë të Partisë Demokratike nëpër Shqipëri po zhvillohen aktive. Aktive diku qesharake dhe thuajse të pavlera. Më pak se gjysma e pjesëmarrjes, deputetë periferikë që shkojnë e diskutojnë, flasin duke kërkuar mendime gjoja nga baza për aksionin opozitar.

Por në fakt problemi është se ata nuk frymëzojnë, ashtu si nuk frymëzon kryetari i tyre Lulzim Basha dhe aktivet duket se janë një moment justifikues. Por edhe një pranim për dështimin dhe riorganizimin. Duke pranuar këtë dështim Basha tenton t’i çojë zgjedhjet në shtator duke shpresuar se atëherë do të ketë më shumë njerëz dhe më shumë forcë për të organizuar bazën e partisë. Mesa duket me shpresën për të pasur një marrëveshje të re me Edi Ramën. /CNA.al

 





Lajmet e fundit nga