web counter
LEXO PA REKLAMA!

SHKARKO APP

App Store
Google Play

E fundit!

x

Tusk, thirrje Presidentit Trump të ndalë kritikat ndaj NATO-s

10 Korrik 2018, 14:02, Kosova & Bota CNA

Presidenti i Këshillit Europian Donald Tusk iu përgjigj me forcë deklaratës së Presidentit amerikan, Donald Trump se vendet anëtare të NATO-s nuk shpenzojnë sa duhet për të mbrojtur veten.

Në një postim të Twitter-it, Tusk shkruante: “SHBA nuk kanë dhe nuk do të kenë një aleat më të mirë se Bashkimi Evropian. ?Ne shpenzojmë për mbrojtjen shumë më tepër se Rusia dhe po aq sa Kina. Shpresoj se nuk keni dyshim që ky është një investim për sigurinë tonë, gjë që nuk mund të thuhet me siguri për shpenzimet ruse dhe kineze :-)”

Zoti Tusk i kërkoi Presidentit Trump të kujtonte marrëdhëniet e vjetra mes SHBA-së dhe NATO-s. ?Vlerësojini aleatët tuaj, pasi në fund të fundit nuk keni shumë,? shkruante ai.

Para se të hipte në avionin presidencial për një takim me udhëheqësit e NATO-s në Bruksel, Presidenti Trump nuk u kushtoi rëndësi komenteve të zotit Tusk për mungesën e aleatëve.

“Ne kemi shumë aleatë,” u tha Presidenti gazetarëve. “Por ne nuk mund të lejojmë të tjerët përfitojnë nga kjo. Ne po lejojmë që Bashkimi Evropian të përfitojë nga ne”, tha ai.

Zoti Trump i ka kritikuar vendet anëtare të NATO-s lidhur me shumat që shpenzojnë për investimet ushtarake.

Të martën në Twitter, disa orë përpara se të largohej nga Uashingtoni për në Bruksel, Presidenti Trump shkruante: “SHBA shpenzojnë shumë herë më tepër se çdo vend tjetër për t’i mbrojtur ata. Kjo nuk është e drejtë për taksapaguesin amerikan. Veç kësaj, ne humbasim 151 miliard dollarë në tregtinë me Bashkimin Evropian. Na ngarkoni me tarifa dhe barriera të mëdha!”

Që nga marrja e detyrës në vitin 2017, zoti Trump ka ripohuar angazhimin e SHBA për mbrojtjen e aleatëve të NATO-s, por ka vazhduar të kritikojë shpenzimet e NATO-s, duke argumentuar se Uashingtoni është duke mbajtur një barrë të tepërt financiare.

Gjatë një tubimi javën e kaluar në Montana, Presidenti Trump u zotua se do t’i “thoshte NATO-s se duhet të fillojë të paguajë faturat.” “Presidenti tha gjithashtu se amerikanët janë “ata që paguajnë për çdo gjë.”

NATO-ja thotë se në vitin 2017 Shtetet e Bashkuara financuan rreth 70 për qind të të gjitha shpenzimeve të saj.

Të 29 anëtarët e NATO-s kontribuojnë me fonde për organizatën sipas madhësisë së ekonomive të tyre. Vendet anëtare u zotuan në vitin 2006 që deri në vitin 2024 të arrinin të shpenzonin dy për qind të prodhimit të brendshëm bruto për mbrojtjen, por aleanca vlerëson se jo të gjithë anëtarët do ta përmbushin objektivin.

Samiti i ardhshëm i NATO-s të mërkurën dhe të enjten është takimi i parë i madh që nga ai i Grupit të Shtatëshes në Kanada muajin e kaluar. Në përfundim të atij takimi, zoti Trump nuk e mbështeti deklaratën përfundimtare të grupit dhe kritikoi kryeministrin kanadez Justin Trudeau si “shumë të pandershëm dhe të dobët”.

Pas takimit me krerët e NATO-s në Bruksel, Presidenti Trump shkon në Britani, ku do të takohet me Kryeministrin Theresa May dhe Mbretëreshën Elizabetë II. Zoti Trump takohet me Presidentin rus Vladimir Putin në Helsinki më 16 korrik, ndalesa përfundimtare e turneut të tij evropian.





Lajmet e fundit nga