web counter
LEXO PA REKLAMA!

SHKARKO APP

App Store
Google Play

CNA paralajmëroi dështimin/ Paloka pranon shkatërrimin e strukturave në PD

10 Korrik 2018, 19:27, Aktualitet CNA

Urdhëri datës 11 Maj 2018, i nxjerrë nga kreu i PD ?së, Lulzim Basha, që përcaktonte mbylljen  e procesit zgjedhor më 30 qershor, ka dështuar.

Sipas të njëjtit urdhër, brenda 45 ditëve, pra deri më 30 qershor, duhej të ishin mbajtur zgjedhjet në grupseksione dhe seksionet e partisë.

Dështimin e këtij urdhëri e ka konfirmuar edhe nënkryetari i Partisë Demokratike Edi Paloka. Ky i fundit në një intervistë për Top Channel ka thënë, se zgjedhjet e brendshme partiake janë shtyrë në shtator.

Paloka e ka justifikuar këtë dështim me shtyrjen e zgjedhjeve në shtator, kur në fakt askush nuk ju shkon në  mbledhje.

Me situatën që po kalon PD duket, se riorganizimi është një mision i pamundur

Këtë dështim dhe shkatërrimin e strukturave të PD ?së, CNA.al e pati lajmëruar ditë më parë, që në kohën kur doli urdhëri i ?famshëm? i Bashës për të vijuar më tej, në kohën kur mbaruan afatet e përcaktuara në këtë urdhër.

Gjithashtu CNA.al pati paralajmëruar arsyet se përse urdhëri i Bashës ishte i dështuar që në fillim.

Urdhëri  vërtet përcaktonte  afatin 45 ditë për të përfunduar procesin, por vetë urdhëri ishte i paplotë, pasi nuk përcaktonte se  si do bëhej zgjedhja e kryetarit të degës dhe kryesisë.

Procesi fillonte nga zgjedhjet në grupseksion pa verifikim të anëtarësisë aktuale. Ky  verifikim mund të nxirrte numër më të vogël anëtarësh se votat e deklaruara për kryetar të PDSH-së në Korrik 2017.

Në këtë mënyrë  dështimi ishte firmosur që në fillim./CNA.al

Dokument-?Rrëzohet? urdhëri i Bashës/ Dështojnë zgjedhjet e brendshme në PD





Lajmet e fundit nga