web counter
LEXO PA REKLAMA!

SHKARKO APP

App Store
Google Play

Kryemadhi flet për “kurban”/ Kë kërcënon kryetarja e LSI?

6 Korrik 2018, 12:19, Aktualitet CNA

Një ditë pasi mazhoranca votoi projekt ligjin për Teatrin në Kuvend, ka reaguar kryetarja e LSI Monika Kryemadhi.

Në një postim në faqen e saj në rrjetet sociale, Kryemadhi ka hedhur akuza në drejtim të qeverisë dhe kryeministrin Edi Rama Kryemadhi thotë se Rama heshti për 12 orë dje dhe nuk foli, sepse e di që ai ishte një vendim antikombëtar do të ketë kurbanin e tij një ditë.

Postimi i plotë: 
Edi Rama heshti dje përgjatë 12 orëve të seancës në parlament. Heshti sepse frika për vendimin e prishjes së teatrit është më e fortë se dëshira për t?ju kundërvënë opozitës. Heshti sepse më mirë se të gjithë kukullat e tij ai e di se ky vendim antikombëtar do të ketë kurbanin e tij një ditë.
Dhe ai që ka bërë kurban shokë e bashkëpunëtorë i trembet më shumë se të gjithë forcës së ligjit, që dje e sot mungoi, por një ditë do të rëndojë mbi të gjjthë ata që me votën e tyre shkatërruan njërën nga pak vlerat e kulturës dhe qytetarisë që kanë mbetur në Tiranë.

Edi rama heshti dje në parlament me shpresën se nuk do të regjistrohet në procesverbalet e parlamentit si njeriu që ideoi dhe zbatoi shkatërrimin e Teatrit Kombëtar, duke harruar se sado të fshihet pas gishtit, sot të gjjthë shqiptarët e kanë të qartë se përgjegjësia është vetëm e tij.

Sikunder është e qarte se qytetarët do t?a mbrojnë teatrin me çdo kusht, me çdo formë e me çdo mënyrë.
Asgjë nuk e shpëton Edi Ramën nga përgjegjësia për shkatërrimin e teatrit, sikundër asnjë forcë shtetërore, policore apo fadrome nuk do mund të prishë Teatrin Kombëtar!





Lajmet e fundit nga