web counter
LEXO PA REKLAMA!

SHKARKO APP

App Store
Google Play

Agron Xhafaj jashtë hekurave/ Vëllai i Ministrit të Brendshëm në liri?

6 Korrik 2018, 12:01, Aktualitet CNA

Në fillim të muajit Maj, Partia Demokratike  denoncoi mosekstradimin e vëllait të Fatmir Xhafës, Agroni, i cili ishte i dënuar në Itali nga gjykata e Kasacionit të Leces me 7 vjet e 2 muaj burg për trafik droge.

Agron Xhafaj akuzohej për pjesëmarrje në grup kriminal që trafikonte kokainë, heroinë dhe kanabis në disa raste, ku gjatë operacionit ishte i përfshirë edhe një agjent i DEA-s që kishte marrë drogën nga Agron Xhafaj.

Pas këtij denoncimi, vëllai  i Ministrit të Brendshëm Fatmir Xhafaj, Agron Xhafaj, me 16 Maj 2018, nëpërmjet një letre pubklike lajmëroi se do të dorëzohej pranë autoriteteve italiane, për të shlyer dënimin e mbetur.

Kur kanë kaluar më shumë se dy muaj, që ndodhet në burg në Itali, Agron Xhafaj kërkon lirimin me kusht.

Lajmi për CNA.al konfirmohet nga avokati mbrojtës i cili përfaqëson mbrojtjen e tij ligjore në çështjen e hapur në Shqipëri ndaj tij.

Kjo nënkupton lirimin e tij nga qelia e burgut në Itali ku po vuan pjesën e mbetur të dënimit, dhënë në mungesë nga drejtësia Italiane prej 7 vite burg.

Burime konfidenciale bëjnë me dije për CNA.al, se lirimi i tij është çështje ditësh.

Avokati i tij italian një nga më të njohurit, ka plotësuar të gjitha procedurat për të përfituar lirimin me kusht të klientit të tij, i cili hetohet në Shqipëri për një tjetër vepër penale, atë të pastrimit të parave. Një prej kushteve që do të ndikojë në këtë vendim, është punësimi i tij./CNA.al





Lajmet e fundit nga