E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Për ç’erë ndryshimi flet Lulzim Basha?!

3 Korrik 2018, 17:19, Aktualitet CNA

Kryetari i Partisë Demokratike Lulzim Basha, reagoi sot për deklaratën e bërë nga ministri i Brendshëm i Italisë, Matteo Salvini, i cili i shpalli luftë të hapur mafies.

Në reagimin e tij Basha shprehet: “Mirësevjen Era e Ndryshimit @matteosalvinimi, së shpejti edhe në anën tjetër të Adriatikut. Mafia shqiptare dhe narkoshteti i Ramës duhet të ndjejnë presionin e Italisë, në vend të gënjeshtrave, marrëveshjeve të fshehta dhe mbulimit të të vërtetave të deridjeshme?”

Kjo nuk është ndonjë e re ndryshimi e sjell nga kryetari në detyrë i PD-së. Sepse Lulzim Basha ka vite e vite që u premton shqiptarëve se ?po vjen era e ndryshimit?, por që prej 2013 shqiptarët vijojnë të mos ndjejnë as ndryshimin më të vogël.

Ata vazhdojnë të mbeten populli më i varfër i Europës, me një demokraci hibride, me po të njëjtin Kryeministër në qeverisje dhe po njejtët gardistë rilindas në maxhorancë parlamentare, herë të ?pa ndihmuar? nga Basha dhe të tjerët e listës së tij, por më shumë herë të ndihmuar prej tyre.

Edi Rama dhe vijimësia e pacënuar e pushtetit të tij vazhdojnë të jenë pasqyra më e qartë e faktit që premtimet konsistente të Lulzim Bashës, çdo tre muaj, për ardhje të erës së ndryshimit nuk janë veçse slogane boshe, që sbëjnë tjetër veçse i zgjasin ditët e pandryshueshme pushtetit të Edi Ramës dhe rilindasve.

Lulzim Basha në zgjedhjet e 25 qershorit 2017, u premtonte shqiptarëve se era e ndryshimit po vinte, ndërsa vetë drejtonte me disa ministra në qeverinë e Edi Ramës.

Luli flet për erë ndryshimi prej vitesh, por i vetmi ndryshim që po shohim është mbyllja e Partisë Demokratike gjithnjë e më shumë, kthimi i saj në një parti personale, dhe bashkëqeverisje me Partinë Socialiste.

Edmond Spaho dhe Tritan Shehu, janë dy nga eksponentët e Partisë Demokratike që e kanë paralajmëruar diçka të tillë. Si duket kjo është era e ndryshimit që përsërit Lulzim Basha.

I cili i paaftë për të sjellë demokratët në pushtet rehatohet duke u futur në tepsinë e pushtetit të Ramës./CAN.al