web counter
LEXO PA REKLAMA!

SHKARKO APP

App Store
Google Play

E fundit!

x

Luli sot, si Rama dje

29 Qershor 2018, 10:19, Aktualitet CNA

Kryetari i PD-së, prej disa javësh bllokoi foltoren e parlamentit. Bëri gjithçka kundër Shqipërisë, në hapat e saj për integrimin europian. Hapa që janë të shqiptarëve dhe jo të Edi Ramës, i cili po ashtu si Basha, gjashtë vite më shumë më parë, mbante peng integrimin europian, duke vendosur kushte qesharake siç ishte kryetari i qarkut Fier.

Ashtu si Rama dje, edhe Luli sot punon kundër interesave europiane të shqiptarëve.

Bllokoi disa javë foltoren, pagoi para në lobistë për të punuar kundër Shqipërisë. Njësoj si Edi Rama kur ishte në opozitë, krijonte zhurmë dhe presion, shkoi edhe në një protestë të dështuar. Inskenoi edhe “Babalen”, bashkë me kllounat e tij që i vijnë vërdallë dhe në përfundim, Europa foli.

Shqiptarët do presin edhe një vit, se grindet Luli me Edin. Se ky i fundit nuk e merr më në qeveri, ashtu si një vit më parë, ku për disa muaj ndanë bashkë tepsinë e pushtetit.

Palët politike grinden dhe përplasen, bëjnë gjithçka kundër rrugës së shqiptarëve drejt Europës. Inatet dhe kostot e tyre i kanë mbi supe shqiptarët. Rruga e tyre për në BE bëhet edhe më e vështirë, sepse kasta jonë politike, e korruptuar, si pushteti edhe opozita, përpiqen dhe thonë se duan Europën, por nga ana tjetër çfarë si kanë bërë këtij vendi dhe shqiptarëve, me akte qesharake, vetëm e vetëm për ti vështirësuar rrugën për në BE. Dje e bënte Rama, sot e bën Basha.

Pasi foli Europa, dje Luli ndenji urtë. Ai fitoi një vit beteje tjetër me Ramën, ky i fundit humbi shansin për të thënë se ishte lideri i integrimit,  ndërsa ata që humbën sërish janë shqiptarët. Ata që fituan dhe do të fitojnë më tej është kasta jonë politike, e cila është dhe përgjegjësja për mbajtjen peng të rrugës për integrimin në BE./ CNA.al





Lajmet e fundit nga