web counter
LEXO PA REKLAMA!

SHKARKO APP

App Store
Google Play

Ngjela "sulmon" opozitën/ Zbulon ultimatumin e BE

29 Qershor 2018, 07:40, Aktualitet CNA

Avokati Spartak Ngjela ka akuzuar hapur opozitën se po tenton të bllokojë Reformën në Drejtësi, por sipas tij kjo është e pamundur për shkak se është një ndër kërkesat kryesore të BE.

Në një prononcim për gazetën ?Sot?, Ngjela thotë se tentativa e Partisë Demokratike dhe Lëvizjes Socialiste për Integrim për të hedhur në erë reformën në drejtësi dhe për të bërë jofunksionale KLP dhe KLGJ, është e pamundur.

Ai renditi dy arsye: e para, opozitës i mungojnë votat për ta bërë një gjë të tillë dhe e dyta, BE kërkon vijimin e reformës në drejtësi. ?Reformën në drejtësi nuk e hedh dot në erë sepse e para nuk ka mazhorancën. E dyta, nuk mund të bëjë dot gjë sepse është në kërkesat ekspicide të hapjes së negociatave.

Evropa dje dhe sot iu kërkoi si gjë kryesore vettingun, SPAK dhe Byronë e Hetimit. Kjo tani këta i ka shqetësuar dhe duan të bëjnë mbi udhën nën udhë. Por e kanë kot. Nuk çan njeri kokë për ta sepse nuk kanë mazhorancë në Parlament. Atëherë pyetja bëhet: po Rama a i do këta? Mos bashkohet Rama me ta? I do, nuk i do, ai duhet të ndjekë rrugën që të shpëtojë gjithçka për vete.

Është shumë e rreptë kjo që ka ndodhur me BE. Është përkrahja më e madhe që i dha Perëndimi Shqipërisë?, u shpreh avokati. Ngjela theksoi më tej se me vendimin e BE për negociatat, Shqipëria ka shpëtuar. ?Që nga momentet e aneksimit të territoreve shqiptare drejt sllavëve dhe grekëve, është qëndrimi më i madh shqiptar dhe shumë mirë që e thyen edhe politikën franceze, e cila pranoi konsensusin e zgjerimit dhe të pranoheshin këto si kushte. Shqipëria ka shpëtuar?, tha Spartak Ngjela.





Lajmet e fundit nga