E fundit!

10:58 Aktualitet

58 operacione, qindra të arrestuar/ Policia e Shtetit në një muaj

Policia e Shtetit ka bërë bliancin e punës për muajin Maj....

E frikshme/ Gruaja kthehet në jetë pas 6 orëve pa rrahje zemre në temperaturën -30°C

27 Qershor 2018, 22:00, Aktualitet CNA

Një histori e jashtëzakonshme mbijetese i ka ndodhur një gruaje me emrin Jean Hilliard, e cila në kohën e incidentit në dhjetor të 1980, ishte vetëm 19 vjeçe.

Në atë kohë, temperaturat patën një zbritje shumë të madhe në zonën e Minnesotës, aty ku u gjend trupi i ngrirë i Hilliard i shtrirë në dëborë. Vajza 19 vjeçare kishte qenë duke shkuar për në shtëpi pas një vizite tek një shoqe, kur papritur, makina e saj rrëshqiti nga rruga dhe përfundoi në një gropë.

Për shkak të përplasjes, Jean vendosi që të largohej nga makina e saj dhe filloi të shkonte me këmbë drejt shtëpisë së shoqes së saj, e cila ishte aty afër. Por, temperaturat nën -30 °C ishin të padurueshme dhe pavarësisht mundit të saj, trupi i Jean nuk mund ta përballonte të ftohtin ekstrem.

Ajo u rrëzua pa ndjenja vetëm 5 metra larg nga dera e shtëpisë së mikes së saj, Wally Nelson. Shoqja e gjeti të shtrirë në dëborë Hilliard vetëm pas 6 orësh, kur doli nga shtëpia për të shkuar në punë. Klima e ftohtë e kishte ngrirë komplet trupin e saj, duke e bërë të pamundur që gjymtyrët e saj të përkuleshin. Duke mos ditur çfarë të bënte, mikja e Jean e futi atë në makinë dhe e çoi në spital.

?Një fantazëm?, ishte fjala me të cilin ajo e përshkroi pamjen e ngrirë të Jean, për të cilën doktorët nuk dhanë asnjë fije shprese pasi e panë të ngrirë komplet. Sipas mjekëve në atë kohë, trupi i saj ishte aq i ngurtë, saqë e bënte të pamundur që t?i vendosej ndonjë gjilpërë apo aparat mjekësor në të. Sytë e saj nuk përgjigjeshin ndaj dritave dhe temperatura në trupin e saj ishte aq e ulët, saqë asnjë termometër nuk mund ta lexonte.

?E kisha të pamundur t?i hapja gojën. Nuk ngrija dot dorën e saj, ajo ishte e fortë si gurë dhe e mbuluar nga akulli?, shpjegoi për mediat atëherë Dr. George Sather. Megjithatë, për mrekulli, Jean arriti që të mbijetonte dhe t?ia hidhte paq këtij incidenti, ku jeton edhe sot e kësaj dite mjaft e shëndetshme.