E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Binden aktorët për Teatrin?/ Zbardhen detajet e marrëveshjes me Veliajn

27 Qershor 2018, 10:36, Aktualitet CNA

Kreu i Bashkisë së Tiranës, Erion Veliaj ka njoftuar se është arritur një marrëveshje me artistët për ndërtimin e një Teatri të ri Kombëtar duke i dhënë fund maratonës së mosmarrëveshjeve për këtë çështje.

Në një postim në faqen e tij në rrjetet sociale, Veliaj ka publikuar një foto me aktorët Arben Derhemi, Alfred Trebicka dhe regjisorin Altin Basha, të cilët kanë qenë skeptikë për ndërtimin e një Teatri të ri Kombëtar.

Kryebashkiaku thotë se kur ka vullnet, ka rrugëzgjidhje.

?Kur ka vullnet, ka rrugëzgjidhje!
Mirënjohje nga zemra aktorëve, regjisorëve, arkitektëve, inxhinierëve e sidomos sindikatave e protestuesve! Falë kontributit të secilit kemi një marrëveshje më të mirë dhe jemi sot gati të nisim negociatat për një Teater të ri Kombëtar! ?- ka shkruar Veliaj.

Ndërkohë pas këtij lajmi nga Veliaj, gjatë një prononcimi për News24, aktori Arben Derhemi ka thënë se artistët janë në negociata gjatë gjithë kohës për këtë çështje dhe ka ende disa pika që nuk janë dakord.

?Jemi në negociata gjatë gjithë kohës, pasi ka ende disa pika ku nuk jemi dakord. Ne kërkuam që të bëhet konkurs për godinën e re të Teatrit. Territori i Teatrit është një pikë që nuk negociohet?- tha Derhemi.

Nga ana tjetër edhe regjisori Altin Basha, duke folur në emër të komunitetit të artistëve, përshëndeti këtë hap të parë konsensual, ndërsa theksoi se bisedimet do të vijojnë edhe më tej për të finalizuar një marrëveshje të plotë.
?Kemi rënë dakord për një fazë të parë. Mbeten akoma disa çështje për t?i diskutuar, kemi marrë garanci që ato do të sqarohen në proces e sipër. Shumë shpejt do të kemi një dëgjesë tjetër në formën e një debati për disa çështje të cilat akoma na kanë mbetur të papërfunduara. Mendojmë se në këtë proces kemi gjetur disa pika të cilat kanë qenë të rëndësishme për ne, për të qenë prezent në ligj. Po themi edhe një herë, është një fazë e parë, procesi sapo ka nisur dhe sigurisht që mbetemi ende në komunikim për detajet të mëtejshme?- tha Altin Basha.