web counter
LEXO PA REKLAMA!

SHKARKO APP

App Store
Google Play

E fundit!

x

Negociatat me BE/ Gazetarët “vënë me shpatulla” pas muri ambasadoren

27 Qershor 2018, 10:15, Aktualitet CNA

Ambasadorja e Bashkimit Europian në Tiranë, Romana Vlahutin i është përgjigjur interesit të gazetarëve në lidhje me vendimin e djeshëm të BE, për shtyrjen e negociatave me Shqipërinë për në qershor të vitit 2019.

Gjatë një prononcimi për mediat, Vlahutin nuk ka mundur të japë një përgjigje ekzakte nëse në qershor të 2019 do të hapen zyrtarisht negociatat me Shqipërinë për anëtarësimin në BE.

?Ky është kalendari, do të dëgjoni më tej për këtë nga ambasadori i ardhshëm, por ky është kalendari. Nuk mund të flas për diçka një vit paraprakisht por ky është një kalendar i qartë dhe në votën e BE tregon se ka një angazhim për këtë datë. Kalendari është shumë i qartë. Mos u shqetesëni në ditët në vijim kur të kemi detaje do t?i ndajmë me ju. Mund t?ju them që ne jemi të lumtur, sepse na jep një mundësi të lëvizim më një ritëm më të shpejtë dhe të fillojmë përgatitjet?, u shpreh Vlahutin.

Gjithashtu ambasadorja Vlahutin tha se në ditët në vijim do të ndajë me median të tjera detaje në lidhje me vendimin e BE, ndërsa theksoi se delegacioni dhe kolegët në Bruksel janë të lumtur për këtë vendim.

Më herët gjatë një aktiviteti, Vlahutin tha se BE njohu reformat e guximshme të Shqipërisë, duke kërkuar që të nistë sa më shpejt puna përgatitore për konferencën ndërqeveritare Shqipëri-BE./CNA.al





Lajmet e fundit nga