web counter
LEXO PA REKLAMA!

SHKARKO APP

App Store
Google Play

E fundit!

x

Tensione në komisionin e Sigurisë/ Noka “përplaset” me Gjebrean

20 Qershor 2018, 10:03, Aktualitet CNA

Mbledhja e Komisionit Parlamentar të Sigurisë është shoqëruar me debate dhe përplasje të forta mes mazhorancës dhe opozitës.

Ndërkohë që në mbledhje po diskutohej çështja e refugjatëve me zv.ministren e Brendshme Elona Gjebrea, ka reaguar deputeti i PD, Flamur Noka.

Noka është shprehur se një anëtar i kabinetit qeveritar i ka dhënë garanci BE se Shqipëria ka kapacitet dhe mund të presë 600 mijë refugjatë nga vendet e luftës. Ai tha se nëse kjo ndodh Shqipëria do bëhet vend i pa jetueshëm dhe nuk do flitet më shqip.

Nga ana tjetër, zv.ministrja i kërkoi PD-së të mos përhapë panik sepse nuk janë përcaktuar shifrat, pavarësisht se është thënë se Shqipëria ka kapacitete.

?Nuk po përhapim panik, por po përpiqemi të parandalojmë të keqen. Është bërë gati mafia e qenieve njerëzore të veprojë në Shqipëri. Janë 300 skafe të mafias gati për një biznes shumë fitimprurës të qenieve njerëzore. Shqipëria do të bëhet vend i pajtueshëm. Nesër pasnesër këtu shumica do jenë irakian, sirianë dhe shqiptarët në pakicë. Si moj zonjë thua panik kur kanë ikur 500 mijë shqiptarë?! Të vika keq që ne themi se këtu do vijnë 600 mijë vete nga vendet islamike. Ky vend do të kthehet në arene të qenies njerëzore. Vetëm për shqiptarë s?do të ketë vend për të jetuar këtu. A merr vesh moj vajzë apo jo? Nipërit tanë s?do flasin më shqip me këtë që doni t?i bëni vendit?- tha Flamur Noka.

Pas debateve dhe përplasjeve të forta, opozita është larguar nga mbledhja.





Lajmet e fundit nga