web counter
LEXO PA REKLAMA!

SHKARKO APP

App Store
Google Play

E fundit!

x

Ai qau përsëri/ Vin Salani dhe G.D. në një histori të parrëfyer

16 Qershor 2018, 13:58, Aktualitet CNA

Vin Salani i Neimit të Labinotit, megjithëse kishte biseduar gjerë e gjatë me G.D. para se ajo të shkonte në emisionin e Rudina Magjistarit u shtang nga madhështia e kësaj gruaje!

Ai një gjysëm ore përpara u mbyll në shtëpi, uli perdet, fiku dritën, ndezi televizorin dhe u përqëndrua para ekranit duke kujtuar gjithë jetën e tij, udhëtimin e parë nga Lozhani në Tiranë, takimin e parë me Henri Çilin dhe pastaj çastin e madhërishëm kur para tij u shfaq ajo!

Minutat rrëzoheshin tepër ngadalë. Tridhjetë ishin të gjorët por, zgjaten sa tridhjetë shekuj! Ai dhe G.D. kanë pasur një vit tejet interesant, kanë udhëtuar shpesh nga parajsa në ferr e anasjelltas, trazuar emocionesh të ngrohta si furrë e të ftohta si kallkan siberie!

Ai e di nga njohja e thellë antropologjike që ka për popullin e tij, se shqiptarët kanë zët dhe nuk durojnë dot suksesin e tjetrit. G.D. dhe Ai apo Ai dhe G.D. si askush tjetër i kanë dhënë fytyrën e tyre opozitës shqiptare! Ata spikasin gjithmonë, me fjalë, gjeste, qëndrime aq sa së fundmi kanë shkaktuar xhelozinë e Lulit!

Emisioni filloi. G.D. u shfaq. Mbi ballin e Salanit, bulëza djerse si përrua vërshuan. Në shpirtin e tij si zgafellë misteresh, shkëmbinj emocionesh si ortek rrotulloheshin. G.D. foli.

Ai heshte , nuk pipëtinte. Një mizë që i prishi atë përqëndrim u shtyp sa hap e mbyll sytë. G.D u rrëfye. Analizoi botën dhe veten nga këndvështrimi i saj. Me publikun ndau dhimbjet dhe gëzimet, pasionet e llavta dhe zhgënjimet e acarta!

Në sytë e Rudinës dhe Salanit lexohej përshtypja dhe surpriza. Ajo rrëfeu lëndimet dhe dashuritë. Ata që i gërryejne xhanin janë një, dhjetë ose njëqind, por ata që e duan janë qindra, mijëra dhe për ata e gjen forcën, krenarinë, verbin plot thellime, shikimin e ëmbël me aromë mjaltë, ecjen gufuese dhe fjalimet plot ekstazë e surealizëm.

Salani e shihte dhe mendonte. Në sytë e saj shtrihet globi. Nga shikimi i saj thyhen armiqtë. Vetë Edi Rama, ai gojëkeq i pashoq që gjuha iu thaftë, s?ka guxuar ende të gjejë një përcaktues për G.D-në. Ajo flet e ai mban shënime. Ajo sulmon e ai fshihet. Ajo argumenton e ai tërhiqet.

Kushedi ç?mendon Sali Berisha, kur e sheh atë gjetje të veten e cila i jep PD-së grint e madhështi. PD kjo parti s?mirëzinjësh. Pas kësaj interviste edhe ajo që e mban veten si më të bukurën le të fshihet. G.D. është rruga e vërteta dhe jeta, bukuria, gëzimi dhe shëlbimi. Mendonte dhe lotët i binin mbi gjoksin pa qime.

Salani qau përsëri. Intervista e G.D. i kishte dhënë material filozofik për një shekull. Eh, ajo qerrateshë plot nur e zulme, disa shikime të koduara ja hodhi kamerës, xhami i së cilës desh u thye.

Ai përseri qau. Ishte ditë ngashërimesh. G.D. u kthye, gratë në PD e gjetkë, të fshihen. Salani qau përsëri. Lot gëzimi e lumturie ishin ato. Sapo G.D. doli ai e mori në tel. Oh çfarë bisede. Do na e rrëfejë një ditë tjetër. Salani qau gjatë më pas./ Satirë politike–CNA.al





Lajmet e fundit nga