LEXO PA REKLAMA!

SHKARKO APP

E fundit!

x

Ben Blushit nuk i del inati me Niko Peleshin

12 Qershor 2018, 16:34, Aktualitet CNA
Ben Blushit nuk i del inati me Niko Peleshin

Një ish-drejtues dhe politikan i Partisë Socialiste, një kryeredaktor dhe drejtues i rëndësishëm i medieve në vend në vitet ’97-’98. Më pas një nga mbështetësit kryesorë të Edi Ramës, ish-deputet i qarkut të Korçës. Më tej shkon deputet në Elbasan, ndahet nga Edi Rama dhe më pas bëhet themelues i një partie të vogël që nuk mundi të nxjerrë dot një deputet. Ky është Ben Blushi drejtuesi aktual i ?Top Channel?.

Prentendoi dhe u shpall si njeriu që do të bënte revolucion në ?Top Channel?, por në fakt i vetmi revolucion ishte nxjerrja e Fiks-Fare dhe Filip Çakulit me vetë financim. Ndoshta të vetmit emision me audiencë, me të ardhura dhe fitime që kishte ?Top Channel?. Por reforma e Ben Blushit shkoi dhe te një thashathemnajë, vajtja e Blendi Fevziut në Top, por dhe ajo nuk ndodhi. Gjithçka duket të jetë vetëm një shoë.

Ben Blushi po e përdor ish-ekranin ikonë dhe më të madh dikur në vend për inatet e tij personale, ose për inatet e pronares në minorancë Vjollca Hoxha. Ai e përdor për inatet e tij sepse po ta shohësh ?Top Channel-in? thuajse është bërë qesharak. Çdo ditë merret me AKU-në, Ministrinë e Bujqësisë, pra Niko Peleshin, a thua se problemi më i madh në Shqipëri është Minisria e Bujqësisë.

Ai nuk flet për koncesionet, për PPP-të, për Damian Gjiknurin, Erion Veliajn, kryeministrin Rama, por shkon dhe merret me bujqësinë dhe kjo ka një përgjigje. Niko Peleshi është një nga njerëzit e afruar në Partinë Socialiste nga Fatos Nano dhe Ben Blushi, kanë qenë bashkëpunëtorë të ngushtë. Më pas Peleshi u bë Zëvendëskryeministër dhe Ministër Bujqësie, kurse Beni iku nga partia. U zu me Edi Ramën dhe nuk mori dot asnjë deputet.

Tashmë ashtu siç bënte me ?Librën? e tij po kërkon të bëjë dhe ?Top Channel-in? duke nxjerrë inatet personale. Në fakt jo vetëm të tijat. Janë dhe inatet apo interesat e Vjollës në lidhje me gjyqin që ka për aksionet. Po të shohim kohët e fundit ?Top Channel? është bërë shumë agresiv ndaj disa faktorëve në gjykatë.

Në qoftë se do të ishte një betejë e Top Channel me drejtësinë të gjithë do ta mbështesnin, por ajo që bie në sy është loja meskine, takimet e Ben Blushit me gjyqtarë të caktuar, sulmet ndaj disa anëtarëve të Gjykatës së Lartë, pasi në këtë institucion pritet të shqyrtohet dhe të jepet vendimi në lidhje me aksionet e ?Top Channel?, ku dy aksionerët kryesorë Albert Sina dhe Aurel Baçi kanë rreth 60% të pronësisë së kësaj medieje.

Por Blushi ashtu si me ?Librën?, po sillet dhe me Top Channel. Do ta marrë dhe do ta përdorë e më pas do ta hedhë. Tani po e përdor për interesa personale, ndoshta më kryesori që ka ai me Niko Peleshin. Kaq inat e paska pasur sa ende nuk e harron. Nuk i del e keqja Ben Blushit, që nuk u bë dot as Ministër dhe as Zëvendëskryeministër. E më pas që të justifikojë inatin e vet, i fut edhe një sulm ndaj gjyqtarëve në Gjykatën e Lartë dhe pastaj kazani pasi ka zjerë mirë e mirë të shohim çfarë do të sjellë dita e nesërme.

E në fakt pa asnjë mëdyshje ?Top Channel? duket si kazani që zien e zien, por mesa duket është djegur dhe rakia e tij nuk pihet më. Këtë e tregon audienca, e tregojnë emisionet, e tregojnë edhe inatet personale të Ben Blushit dhe Vjollca Hoxhës. /CNA.al

Lajmet e fundit nga