web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Shqiptarët më shumë se 6 muaj pa patenta

10 Qershor 2018, 18:10, Aktualitet CNA

CNA.al ka denoncuar prej rreth 2 muajsh skandalin e mungesës së kartonëve për pajisjen me leje drejtimi, por ndërsa kanë kaluar më shumë se 6 muaj nga kjo problematikë, ende nuk është gjetur një zgjidhje.

Mungesa e kartonëve ka prekur jo vetëm shoferët e rinj, por edhe ata qytetarë që duhet të rinovojnë patentën e tyre. Ndërsa kanë kaluar më shumë se 6 muaj, për qytetarët shqiptarë, të cilët duhet të pajisen me patenta, situata ka mbetur e njëjtë. Të paktën sipas denoncimeve që kanë mbërritur në redaksinë e CNA.al.

Kjo ka bërë që të lulëzojë korrupsioni pasi për të siguruar një patentë janë detyruar të paguajnë nën dorë rreth 100 apo 200 euro.

Nuk po flasim për këtë aspekt, ndonëse në adresë tonë kanë mbërritur me dhjetëra raste të tilla, sepse këtë duhet ta investigojë prokuroria. Ne po denoncojmë mungesën e kartonëve, që shkakton një sërë problemesh për qytetarët, edhe pse tenderi i marrë ka kushtuar miliona.

Një tjetër problem që vjen nga mungesa e kartonëve të patentave, është me lejet ndërkombëtare të qarkullimit.

Shqiptarët që duan të udhëtojnë jashtë kanë problem për leje qarkullimi ndërkombëtare, sepse kur nuk kanë kartonin e patentës, i cili mban një sërë detajesh dhe kodesh sigurie, nuk mund të lëshohet as edhe leja ndërkombëtare e qarkullimit, gjë që sjell probleme për qytetarët shqiptarë.

Për t’i lejuar që të drejtojnë makina e tyre, Drejtoria e Përgjithshme e Transportit Rrugor i ka pajisur të gjithë qytetarët me kopje përmbledhëse të dokumentit, e cila i jep të drejtën drejtuesve të mjeteve për të qarkulluar për një afat maksimal prej 30 ditësh. Kjo sërish është e pamjaftueshme, pasi kanë kaluar 6 muaj dhe qytetarët përballen me të njëjtin problem, ndërsa ata që duan të udhëtojnë jashtë me makinat e tyre, e kanë të pamundur.

Ndonëse është shpallur fituesi i tenderit disa milionësh, ende problematika vijon të jetë prezente. /CNA.al

Skandali me lejet e drejtimit/ Reagon Drejtoria e Përgjithshme e Patentave

Skandali/ Kaos dhe korrupsion për patentat

Skandali me patentat, nuk ka kartona/ Zgjidhja është 100 euro nën dorë

 





Lajmet e fundit nga