web counter
LEXO PA REKLAMA!

SHKARKO APP

App Store
Google Play

E fundit!

x

"Shuhet" LSI në bazë/ Kryemadhi në udhëkryq

2 Qershor 2018, 06:55, Aktualitet CNA

Muajt e fundit LSI është braktisur nga mbi 50 këshilltarë, të cilët janë bashkuar me PS.

Rasti më i fundit është ai i Gjirokastrës ku dy këshilltarë bashkuan votat me PS dhe shkarkuan kreun e këshillit bashkiakë.

Sipas burimeve të gazetës ?Sot?, LSI e di që nëse shkon e vetme në zgjedhjet vendore, kapitullimi është i pashmangshëm dhe për këtë arsye Kryemadhi është duke punuar fort për të marrë mbështetje nga PD në disa bashki, por që nuk po gjen konsensusin e Bashës.

Ajo çka mund të thuhet është se si rezultat i këtyre lëvizjeve të fundit rezulton se Partia Socialiste dominon shumicën e këshilltarëve bashkiakë, rreth 35 prej tyre, ndërsa pjesa tjetër dominohet nga PD dhe LSI, e fundit kjo e cila mbetet gjithmonë në minorancë.

Kjo ka bërë që në bashkitë që drejton LSI, të mos miratohen vendimet e kryebashkiakëve pa votën e PS, siç është Skrapari.

Vetëm ditët e fundit LSI-në e kanë braktisur plot 56 këshilltarë bashkiakë, çka do të thotë se më pak vota do të mund të sigurojë në zgjedhjet që po vijnë.

Situata në këshillat bashkiakë

Poliçan: PS bashkë me aleatë e saj ka 15 këshilltarë, ndërsa LSI 7 dhe PD 2. Pra edhe janë bashkë, PD dhe LSI nuk kanë më shumë se 9 këshilltarë.

Kuçovë: PS aty ka 17 këshilltarë ndërsa PD 2 dhe LSI 6 këshilltarë. Himarë: kemi rezultat të barabartë. PS dhe aleatët e saj kanë 11 këshilltarë , ndërsa edhe LSI+PD dhe aleatët kanë 11 këshilltarë.

Peqin: PS dhe aleatët, 11 këshilltarë; LSI, 4 këshilltarë; PD dhe aleatët, 5 këshilltarë.

Gramsh: PS dhe aleatët,17 këshilltarë, ndërsa LSI+PD dhe këshilltarët 14 këshilltarë.

Tiranë: PS dhe aleatët, 19 këshilltarë, ndërsa LSI+PD dhe aleatët, 12 këshilltarë.

Ndërkohë që ka dhe shumë bashki të tjera të rëndësishme si Korça, Vlora, Devoll, Pogradeci, Saranda, etj. ku PS ka dominim të thellë.

 





Lajmet e fundit nga