web counter
LEXO PA REKLAMA!

SHKARKO APP

App Store
Google Play

Dhunimi i të riut në Korçë/ Zbulohen prapaskenat me vendimin për policët

2 Qershor 2018, 18:36, Aktualitet CNA

Efektivët e Komisariatit të Policisë së Korçës që akuzohen nga familjarët e të ndjerit Enea Ftoj se e rrahën atë për vdekje, nuk do të shkarkohen nga detyra, por pritet të transferohen në detyra të tjera deri në përfundim të hetimeve të nisura.

Zv.ministrja e Drejtësisë, Romina Kuko ka zhvilluar një takim me strukturat drejtuese te Drejtorisë së Policisë dhe Komisariatit të Korçës. Takimi, që ka zgjatur për thuajse 3 orë ka pasur në fokus pikërisht ngjarjen e rëndë të ndodhur në paraburgimin e Komisariatit të Korçës, ku humbi jetën 27-vjeçari Enea Ftoj.

Burime bëjnë me dije se gjatë takimit kanë qenë të pranishëm edhe policët e akuzuar nga familjarët e Enea Ftojt për ushtrim dhune fizike. Burime të rezervuara pohuan se të tre efektivët e akuzuar nga familjarët se kanë ushtruar dhunë ndaj të riut, pas këtij takimi pritet që të transferohen në sektorë të tjerë të strukturave të policisë deri në mbyllje të hetimit.-raporton TCH.

Enea Ftoj, 27 vjeç ndërroi jetë në ambientet e komisariatit dy javë më parë, ndërsa familjarët akuzuan policinë se kishte ushtruar dhunë fizike ndaj tij.





Lajmet e fundit nga